Home Burundi Papy Sadi aridogera umuhagarikizi yaraye ahaye penariti Dynamic

Papy Sadi aridogera umuhagarikizi yaraye ahaye penariti Dynamic

Mugihe yari yemereye abakunzi b’imugwi wa LLB ababwira y’uko vyanka bikunda ategerezwa gutsinda umugwi wa Burundi Sports Dynamic mu rukino rw’indwi ya 17 ya primus league rwaraye rubereye ku kibuga c’intwari kuri uyu wa w’Imana igenekerezo rya 12 Nzero 2020, Papy Sadi vyahavuye bimwankira y’uko atsinda Burundi Sports Dynamic yamara anganya n’uyo mugwi ibitsindo 2-2.

Inyuma y’urwo rukino umumenyereza wa LLB Papy Sadi yagaragaje akababaro kiwe mu kwidogera umuhagarikizi wo hagati bivanye na penariti yahaye umugwi wa Burundi Sports Dynamic hasigaye iminota 5 kugira urukino rurangire.

Ari kuri micro y’indundi Papy Sadi ubwa mbere yavuze y’uko yakiriye neza ivyamushikiye kandi ko adashobora kwidogera umuhagarikizi canke uwariwe wese kuko vyari ivyo Imana yari yabateguriye.

Akaba yagize ati :

“Nakiriye neza ukunganya na Dynamic kandi sinshobora kwidogera umuhagarikizi canke uwundi nivyo Imana yari yaduteguriye ntakundi inota rimwe siribi ariko nari nateguye y’uko nza gutsinda”.

Abajijwe ikintu coba catumye aronka inota rimwe mugihe yari yasezeraniye abakunzi ba LLB y’uko aza gutsinda Dynamic akaba yavuze ati : “umuhagarikizi nawe yakoze akazi kiwe reka turindire ico abandi bazobivugako ariko kuri jewe irya Penariti yatanze siyo”.

Abajijwe ikibazo kuvyo Aboubakar yavuze mu kuvuga y’uko inzira zose yacamwo ariwe yazimwereka, Papy Sadi akaba yishuye ati ” Imana imuhezagire” arangiza n’agatwengo.

Papy Sadi akaba atari ubwa mbere yemerera intsinzi yamara munyuma bikamuta kuwamazi. No mu rukino rwo gutangura rwa Primus league igihe yari akimenyereza umugwi Burundi Sports Dynamic uyo mumenyereza yaremanze y’uko azotsinda Vital’o Fc ariko munyuma ntivyahavuye bimukundira abona kunganya n’uyo mugwi 0-0.

Facebook Comments

Most Popular

# Indundi Sports |Gitega| Urukino rwambere rwinjiza amafaranga menshi

Mu kiganiro Indundi TV yakoranye  n'uwurongoye na Musongati Fc, Honorable Denis Karera, kuvyerekeye kahise kiwe k'umupira w'amaguru, ndetse n'ingene biteguriye urukino rwanyuma( Finale )rw'igikombe...

Abiyamamariza amatora y’abakenguzamateka basabwa gukurikiza amategeko

Abiyamamariza amatora y'abakenguzamateka ategekanijwe ku wa 20 uku kwezi bahamagariwe kwubahiriza amategeko agenga ico gikorwa. Ako kamo katewe n'uwurongoye umurwi w'igihugu wigenga ujejwe gutegura amatora...

Bataravye neza, Sat-b ngo azonasohora amashusho y’urukozasoni

https://youtu.be/cYxeFyuJbFk Sat-b ntahuza na bose Ku kibazo c'uburyo yari yambaye Muri Video aheruka gushira ahabona aho yabonetse asa n'uwuriko yinonora imitsi. Kuri iryo shusho ryabonetse igenekerezo...

Uguhinduka kwa Alvin Smith kwagarukanye igikundiro cinshi

Benshi mu bakurikirana ibikorwa vyiwe baremeza neza ko hari ihinduka mu bikorwa vy'Umuririmvyi Alvin Smith na cane cane ko bibonekera mu bikorwa...

Facebook Comments