Home africa news Ikinyobwa gikozwe mu rumogi kigiye kuboneka

Ikinyobwa gikozwe mu rumogi kigiye kuboneka

Muri afrika y’epfo  habonetse ishirahamwe ryemeye gutangura kwenga n’ukudandaza inzoga ikozwe mu rumogi, nka hamwe basubiriye guhindura amategeko nkuko vyakozwe kw’ikoreshwa ry’ico giterwa.  

Poison City Brewing, n’ishirahamwe risanzwe rikora ibinyobwa muri afrika y’epfo. Iryo shirahamwe nkuko amakuru dukesha bagenzi bacu bakorera muri ico gihugu abivuga ngo bakora ibinyobwa 5, birimwo igiheruka gushirwa kwi soko mu misi ya Vuba.

Ico kinyobwa ciswe Durban Poison Cannabis lager, kikaba gikorwa mu giterwa c’urumogi. Abamaze kucihereza bavuga ko ata wabivuze ko gikozwe mu rumogi ngo atawopfa yabiciye n’ikanda.

Umwe mu batwara urwo ruganda rwenga iyo nzoga avuga ko inzira imwe yoroshe gucamwo amafaranga ari iy’ugatanga ibinyobwa, ico giterwa naco kikaba kimwe mu biterwa bikunzwe cane.  Bakavuga ko nka hamwe amategeko ahindutse biteguye gutangura kudandaza ku mugaragaro ico kinyobwa bafashijwe n’abafatanyabikorwa babo.

Ivyo bikaba bishizwe ahabona mu gihe muri afrika y’epfo igiterwa c’urumogi cakuwe mu gitigiri c’ibibujijwe gukoresha ku muntu bwite -Private-, aho hakaba hari mu kwezi kw’9 kw’umwaka wa 2018. Ariko iryo tegeko ryatowe rikaba ritemeje gukwirakwiza no kudandaza ico giterwa. Nayo ukwerekana ico giterwa ku mugaragaro navyo bikaba bigiteye amakenga ko vyoba vyemewe.

Mwomenya ko ibihugu bimaze kwemeza gukoresha ico giterwa ku mugaragaro biharurwa ku ntoke, kimwe murivyo akaba ari Canada giheruka kuvyemeza kuri uyu wa 17/10/2018, ngo bikunde bakureho abarudandaza mu kinyegero.

Facebook Comments

Most Popular

Umurwi CENI ngo ugiye kwakira ivyegeranyo vy’utunenge twabaye mu matora

Umukuru w’umurwi wigenga ujejwe gutunganya amatora Pierre Claver Kazihise amenyesha y’uko abantu nka bose bari barungitswe kurorera amatora aheruka kuba kuwa 20 Rusama 2020...

Ngozi-Kayanza : Abarimyi b’ikawa baridogera abajejwe amatonorero

  Abarimyi b'ikawa bo mu ntara za Ngozi na Kayanza baridoga ko inyuma y'isaha icumi na zibiri z'umugoroba (18h00) badasubira kubakirira ikawa bagaca baja kuzisyera...

BDUSA : Samuel Ndayiragije yoba yarakombowe koko?

Mu kiganiro abaramutswa ishirahamwe BDUSA, bakoranye na Raphael Biko umumenyeshamakuru yigenga, baratanga umuco kw'ibomborabombora riri muba nyeshirahamwe muri kino gihe. Uwahawe ijambo ubwa mbere akaba...

Jumaine urugero rw’abakinyi biwe rwaragabanutse

Inyuma yo kunganiriza i Bujumbura Ku kibuga c'intwari n'umugwi wa Inter Star 0-0, mu rukino rw'igice ca kabiri gishira icanyuma c'igikombe c'Umukuru w'igihugu, Niyonkuru...

Facebook Comments