Home Burundi Vichou yavuze impanuro yahawe na Nyina amanuka I Bujumbura

Vichou yavuze impanuro yahawe na Nyina amanuka I Bujumbura

Umuvyeyi wa Vichou ntiyigeze amuzibira ngo yanke ko amanuka I Bujumbura, ariko yamutekereye impanuro za kivyeyi kugira aze yitware neza.

Inyuma yo guhurira I Bujumbura,  Vianney , Bosco na Huguette bakaganira bahuza, bakibukanya uko babanye ruguru iwabo, ngo bahavuye basanga bahuje ingabire imwe yo kuririmba, iyo ica ibatuma bashima gushinga umurwi bise Peace and Love kubera umuti w’urukundo wabarangwamwo. Ivyo bikaba ari bimwe muvyo uwo muririmvyi yashikirije mu karirimbo History aheruka gushira ahabona

Muri ako karirimbo kagizwe n’amajambo y’inkoramutima, Vichou atangura yidondora aho avuga ko umuvyeyi amuvyara yitwa Razaro, bakaba bakomoka I  Kirimba. Mu gice ca 1 c’iyo ndirimbo avuga aho yahereye umuziki, I gitega. Avuga ko yawiga buri gihe iyo ari mu kiruhuko, noneho haza ugushaka kuwugira umwuga kugira uzombesheho.

Vichou avuga ko Imana yahezagiye uwo murwi batanguye naho batarambanye, kuko hampande y’ukuyora ubushimwe mu mahiganwa hamwe n’ukwitabira ibiteramo bitandukanye , umwe muribo ,Huguette, yahavuye abasezera kuko yari yabaye umukizwa. Haheze igihe na Bosco batazira Bobo Peace and Love nawe Imana iramuhamagara,ariko we ngo yagumye ku kivi nk’umu Commando.

Vichou anavuga ko Amafaranga yamushikanye I Bujumbura ngo yayahawe na Nyina ariko agenda amutekereye impanuro aho yamusavye kuba maso, kuko mu gisagara hari ingwara z’ubwoko bwose, abantu b’ingeso mbi hamwe n’abantu bafise imitima mibi.

Uwo murwi ntiwagarukiye kuririmba gusa kuko ufise ububare butandukanye kandi bukomeye mu gisagara ca Bujumbura, ubwo bakaba banabukoreramwo Karaoke ari naho abatari bake babazi.

Facebook Comments

Most Popular

Amatora 2020 : Ubushikiranganji bwo kumenyesha amakuru burashima uko abamenyeshamakuru bitwaye

  Ubushikiranganji bwo kumenyesha amakuru ngo burashimishwa n'ukungene igikorwa co gukurikirana amatora cakozwe mu runani rw’ibimenyeshamakuru n’amaradiyo asamiranira mu Burundi. Ivyo ni ibishikirizwa na Frédéric Nahimana...

Volley ball yarabuze inararibonye mu Burundi

Umukunzi wa Les As Volley yaritavye imana kw'igenekerezo rya 31 Rusama 2020 i Bujumbura akaba yasezeye isi afise imyaka 70 y'amavuko. Umuhisi Vincent Niyonkuru batazira...

Hazokinwa final mu gikombe c’umukuru w’igihugu

Kuva mu kwezi kwa mbere , ishirahamwe ry'urukino rwa volley ball mu Burundi ryaratunganije ihiganwa ryitiriwe umukuru w'igihugu ku ncuro yaryo ya kabiri.Imirwi 4...

Menya ko ikinga rifise akamaro kanini

Kuri uyu wa gatatu, igenekerezo rya 3 Ruheshi isi yose yarahimbaje umusi mukuru wahariwe ikinga. Mu mwaka w'1817 niho ikinga ryatanguye gukoreshwa muvyo kwiyunguruzwa rikaba...

Facebook Comments