Home homepage Umushikiranganji w’amagara y’abantu arabeshuza amakuru amaze imisi akwiragizwa

Umushikiranganji w’amagara y’abantu arabeshuza amakuru amaze imisi akwiragizwa

Umushikiranganji w’amagara y’abantu mu Burundi yahaye ikiganiro abanditsi n’abamenyeshamakuru ku bijanye n’inkuru zimaze imisi zikwiragizwa zivuga yuko mu burundi hari ikiza ca marariya. Dr Thaddee Ndikumana yabeshuje ivyo vyashikirijwe aho yavuze ko mu Burundi ata kiza ca marariya gihari.

Mu kubisigura, umushikiranganji yakoresheje ibiharuro vyo mu mwaka w’i 2017 aho Uburundi bwamenyesheje ko hari ikiza ca marariya bivanye n’ibiharuro vyabantu bari bagwaye iyo ndwara mu kiringo c’amezi 6 kuva muri nzero gushika muri Ruheshi aho bashika 4 913 150 hama hagapfa abashika 4500 muga ibiharuro vy’uyu mwaka kuva muri nzero gushika muri Ruheshi, abarwaye marariya bashika 4 300 000 aho muribo abapfuye bishwe n’iyo ngwara bashika 1400.
Umushikiranganji yongeye aramenyesha ko bivanye nuko imiti ya marariya isanzwe itangwa yitwa amodiyakine itagifise ubushobozi cane mu kuvura, bagiye gushiraho uwundi muti witwa quartem kugira ushobore gufasha abantu bagwaye marariya.
Ibijanye na Ebola igize imisi ivugwa mu gihugu ca Kongo, yamenyesheje ko abantu bose binjira baciye ku mipaka yegereye ico gihugu bazosuzumwa neza kandi ko nabaganga bamaze guhabwa inyigisho z’ingene bigenza imbere y’umuntu agwaye ebola mbere ko nikigo camaze gutegurwa kugira uwo babonye ayigwaye abe ariho bamuvurira.
Ku bijanye na Korera igize imisi yibonekeza mu gisagara ca bujumbura no mu ntara ya Cibitoke, yamenyesheje ko bariko bagerageza kuyituza kuko ku bantu 235 bari bayigwaye, hasigaye 12 gusa abandi barakize kiretse umuntu umwe gusa yapfuye naho nyene kubera yarayigwaranye na marariya.

Facebook Comments

Most Popular

Ngozi-Marangara : Umurwi CVR watanguye kuzura ibisigarira vy’abahambwe mu binogo rusangi

Igikorwa co kuzura ibisigarira vy'abantu bahitanywe n'urwimo rwabaye mu mwaka wa 1988 ku mutumba wa Burenge muri komine Marangara intara ya Ngozi catanguye kuri...

Habonetse akaririmbo k’umunyamulenge Gallas na Kidum

Inyuma y’ukumenyesha ko hari indirimbo nshasha yamaze guheza gukorwa yakoranye n’umuririmvyi w’umunyaKenya, uwo muririmvyi yahavuye amenyesha ku musi w’ejo ko hari iyindi yo iza...

Ikigo OBR kirashima umwimbu cakuye mu kurwanya urudandazwa rutemewe n’amategeko

Umwimbu uturutse mu kurwanya urudandazwa rutemewe n'amategeko ngo wariyongereye ugereranije n'uwatojwe mu mwaka uheze. Mu kiganiro umuyobozi mukuru w'ikigo kijejwe gutoza amakori n'amatagisi OBR yagiraniye...

Umubabaro Official Video Niyo igiye gukurikira imbere yuko basohora izindi zibiri

Indirimbo Umubabaro n'imwe mu ndirimbo imaze igihe kitari gito aho ari indirimbo vyabonetse cane ko abakunzi b'umuririmvyi Sat-B n'abakunzi b'umuziki muri rusangi bari banyotewe...

Facebook Comments