Home homepage Agatasi 2020 : Reta y’Uburundi yagabanije ibiciro ku vyankenerwa mu burimyi

Agatasi 2020 : Reta y’Uburundi yagabanije ibiciro ku vyankenerwa mu burimyi

Mu kiganiro yahaye abamenyeshamakuru kuri uno wa kane igenekerezo rya 12 Nyakanga umwaka w’2019, umushikiranganji w’uburimyi, ubworozi n’ibidukikije Déo Guide Rurema yamenyesheje ko mu ntumbero yogufasha abarimyi mu kwitegurira neza umwaka w’uburimyi w’agatasi w’2020, Reta y’Uburundi ibicishije ku Bushikiranganji bw’uburimyi, ubworozi n’ibidukikije, irabandanya gufasha abarimyi mu kubaronsa ivyankenerwa mu burimyi ku giciro kitavuna.

Ku bijanye no kuronsa abarimyi ifumbire n’ishwagara, ibiciro bitunganijwe uku gukurikira :

  1. Kuri FOMI-IMBURA ariyo yasubiriye DAP, agafuko k’ibiro 25 kazogura amahera 29,000F aho koguzwe 42695F
  2. Kuri FOMI-TOTAHAZA ariyo yasubiriye Uree, agafuko k’ibiro 25 kazogurw 25,000F aho koguzwe 38,500F
  3. Kuri FOMI-BAGARA ariyo yasubiriye KCL, agafuko k’ibiro 25 kazogurwa 26500F aho koguzwe 38,800F
  4. Ishwagara, agafuko k’ibiro 50 kazogurwa 5000F aho koguzwe 11,500F

Umushikiranganji Rurema amenyesha kandi ko gushika ubu amatoni arenga ibihumbi 27 ku matoni ibihumbi 21 abenegihugu bamaze kurihira vansi y’ifumbire y’ikizungu ivanze n’umwavu w’ikirundi ko ariyo amaze gushikanwa mu ntara z’igihugu hamwe n’amatoni 7800 y’ishwagara, bakaba ngo bariko barakora ibishoboka vyose kugira ngo ivyo yankenerwa vyegerezwe abenegihugu ku mazone.

Uwo mushikiranganji akaba asaba abarimyi kwitabira kuriha ayasigaye (solde) kuva kw’igenekerezo rya 16 Nyakanga gushika kw’igenekerezo rya 31 Gitugutu uwu mwaka. Nayo ku barimyi batari bwarihe ingwati, umushikiranganji Rurema yabahaye ayandi mahirwe yo kuriha ariko bakayarihira rimwe muri ico kiringo nyene.

Facebook Comments

Most Popular

Abiyamamariza amatora y’abakenguzamateka basabwa gukurikiza amategeko

Abiyamamariza amatora y'abakenguzamateka ategekanijwe ku wa 20 uku kwezi bahamagariwe kwubahiriza amategeko agenga ico gikorwa. Ako kamo katewe n'uwurongoye umurwi w'igihugu wigenga ujejwe gutegura amatora...

Bataravye neza, Sat-b ngo azonasohora amashusho y’urukozasoni

https://youtu.be/cYxeFyuJbFk Sat-b ntahuza na bose Ku kibazo c'uburyo yari yambaye Muri Video aheruka gushira ahabona aho yabonetse asa n'uwuriko yinonora imitsi. Kuri iryo shusho ryabonetse igenekerezo...

Uguhinduka kwa Alvin Smith kwagarukanye igikundiro cinshi

Benshi mu bakurikirana ibikorwa vyiwe baremeza neza ko hari ihinduka mu bikorwa vy'Umuririmvyi Alvin Smith na cane cane ko bibonekera mu bikorwa...

Olga yavuze ryari azokorana indirimbo n’umunyarwanda

https://m.youtube.com/watch?v=2MxnoY3Wx2Y Aganira na Yambi, ikinyamakuru co mu gihugu kibanyi c'Urwanda, yahanuwe guhitamwo mu baririmvyi 2 b'abanyarwanda, King James na Bruce Melodie bari mu bariko barakora...

Facebook Comments