Home Burundi Umuriro wasubiriye kwaka hagati ya Sat-b na Big Fizzo

Umuriro wasubiriye kwaka hagati ya Sat-b na Big Fizzo

Agahengwe kari mu mubano wa Sat-b na Big Fizzo muri kino gihe, gasa n’akatosekaye kubera amajambo yavugiwe mu kiganiro Sat-b yahaye Wasafi FM.

Mu gihe hasa n’ahagize igihe agahengwe hagati ya Sat-b na Fariouz, bakanifotozanya rimwe na rimwe mu biteramo, muri uwo mubano hasubiriye kuzamwo akabazo.

Mu kiganiro Sat-b aheruka gutanga Ku mboneshakure ya Wasafi TV na Wasafi Fm, yaranse kuvuga uwo muririmvyi mugenziwe Big Fizzo, ari no mu bamuboneye izuba. Igituma kikaba gishobora kuba ari ifaranga.

Uwo muririmvyi w’akaririmbo gashasha Don’t Cry yaririmbanye na ASlay wo muri Tanzania nyene, bakaba bamubajije abaririmvyi ba hano iwacu bafise ikimenyetso Instagram itanga cerekana ko ariwe nyene akoresha urwo rubuga, ntiyashima kugira numwe avuga ariko yemeza ko bahari.

Mubo yanse kudomako urutoke, harimwo Big Fizzo uwo basanzwe basa n’abatarabana ryiza kubera ukugwanira ikibanza gikomeye mu muziki. Bimwe muvyo twabashije kubona, nuko abatari bake babona ko yarakwiye kumuvuga akamuha ikibanza ciwe, kuko ngo ico ari kimwe muvyotuma nawe ashika kure.

Ico kibazo kikaba cabajijwe inyuma yaho amenyeshereje ko igituma Instagram yiwe itagira abantu benshi (Followers) co kimwe n’abagira ico bashikirije(Comments) kuri urwo rubuga rwiwe cane ngo aruko hano iwacu Instagram idakunzwe cane, ahubwo ari Facebook, ico bamwe bamiriye kure.

Ico kiganiro yakoze kikaba cabaye intandaro y’abatari bake kugira vyinshi bavuze ku mubano w’abaririmvyi ndundi, abatari bake bakaba babona ko ugushigikirana mu gihe umwe ariko aserukira igihugu ari ngombwa, ngo ivyo bapfa bakabanza kubishira Ku ruhande.

Mukibuka ko uwo muririmvyi ari muri ico gihugu ca Tanzania haraheze imisi. Ubu akaba ariko azunguruka mu nsamirizi zitandukanye zaho, ariko amenyekanisha ako karirimbo kiwe gashasha. Nako kakaba kariko karababa abantu 100,000 bamaze kukaraba Ku murongo wa YouTube mu kiringo c’imisi hafi 14 gusa.

Facebook Comments

Most Popular

Ngozi-Marangara : Umurwi CVR watanguye kuzura ibisigarira vy’abahambwe mu binogo rusangi

Igikorwa co kuzura ibisigarira vy'abantu bahitanywe n'urwimo rwabaye mu mwaka wa 1988 ku mutumba wa Burenge muri komine Marangara intara ya Ngozi catanguye kuri...

Habonetse akaririmbo k’umunyamulenge Gallas na Kidum

Inyuma y’ukumenyesha ko hari indirimbo nshasha yamaze guheza gukorwa yakoranye n’umuririmvyi w’umunyaKenya, uwo muririmvyi yahavuye amenyesha ku musi w’ejo ko hari iyindi yo iza...

Ikigo OBR kirashima umwimbu cakuye mu kurwanya urudandazwa rutemewe n’amategeko

Umwimbu uturutse mu kurwanya urudandazwa rutemewe n'amategeko ngo wariyongereye ugereranije n'uwatojwe mu mwaka uheze. Mu kiganiro umuyobozi mukuru w'ikigo kijejwe gutoza amakori n'amatagisi OBR yagiraniye...

Umubabaro Official Video Niyo igiye gukurikira imbere yuko basohora izindi zibiri

Indirimbo Umubabaro n'imwe mu ndirimbo imaze igihe kitari gito aho ari indirimbo vyabonetse cane ko abakunzi b'umuririmvyi Sat-B n'abakunzi b'umuziki muri rusangi bari banyotewe...

Facebook Comments