Umukinyi w’umusatirizi w’intamba mu rugamba Bimenyimana Bon fils Caleb yaraye asubiye kwitwara neza.
Hari Ku mugoroba wo kuri uyu wa gatandatu waraye uheze igenekerezo rya 05 Nzero umwaka wa 2019 aho Rayon Sports yari yaraye igendeye Musanze Fc Ku kibuga cayo biza kurangira Rayon sports itsinze Musanze Fc Ibitsindo 2-1.
Bimenyimana Bon Fils Caleb akaba ariwe yinjije igtsindo ca mbere ca Rayon Sports , icakabiri gitsindwa na Olivier Seifu , mu gihe Igitsindo kimwe rukumbi ca Musanze Fc caraye cinjijwe na Shyaka Philbert . Bon Fils Caleb akaba yaraye yinjije Igitsindo ca 6 mw’ihiganwa ryo mu Rwanda Azam Premier League yambaye umwambaro wa Rayon Sports
. Mukamenya ko uwo musatirizi w’ Umurundi Bimenyimana Bon Fils Caleb yamaze inkino 3 adahonyoza ikirenge mu kibuga kubw’ibihano yari yafatiwe n’ishirahamwe ry’umupira w’amaguru mu Rwanda FERWAFA kubera kugwana n’umurorerezi w’Umugwi Sunrise .
