Inarunyonga afise umugambi wo guha umwanya ingabire yiwe yo gukina ireresi gusumba umuziki muri kino gihe.
Inyuma y’igihe asa n’uwuri mu gacerere, Ndayishimiye Arlaine benshi bazi nka Inarunyoga yasubiriye kandi kugaruka n’ibikorwa bishasha.
Mu kiyago yagiranye na Indundi magazine yavuze ko hari ireresi aheruka gukinamwo muri amerika iyo abarizwa muri kino gihe. Iryo reresi rizoba rifise ibice vyinnshi -Episodes-, ngo rizoba rifise vyinshi rihanura.
Twashatse kumenya igituma ashimye guhera ku mareresi, yatubwiye ko ari imwe mu ngabire afise. Ariko akaba atabashije kuronka uko ayikoresha nkuko yabikoze ku muziki. Arico gituma ashaka kubanza kwanza guha umwanya amareresi gusumba umuziki.
Inarunyonga avuga ko atahagaritse umuziki, ariko ngo hari ibintu bitarakwira kugira abashe gusubira kandi mu muziki. Ariko akavuga ko atahagaritse umuziki, ariko yabanje kwanza kuwushira ku ruhande.
Mwomenya ko uwo muririmvyikazi ndundi, Inarunyonga muri iryo reresi bise The Sisters, akina nk’umuririmvyikazi.
