5.5 C
New York
Tuesday, May 18, 2021
Home Burundi Imyaka ibiri ibarenganye ngo ntibazosubira kubakira

Imyaka ibiri ibarenganye ngo ntibazosubira kubakira

Abateshejwe ivyabo n’intambara gushika ubu bataritura umurwi w’igihugu ujejwe gutatura amatati y’amatongo n’ayandi matungo CNTB mu mpfunyapfunyo y’ikinyamazuru ngo bafise ikiringo kitarenga imyaka ibiri co kuwitura nayo kimaze kurenga CNTB ntaco izoba ikibafasha.

Kuri uno wa gatanu igenekerezo rya 5 Ndamukiza umwaka w’2019, umuvugizi w’umurwi w’igihugu ujejwe gutatura amatati y’amatongo n’ayandi matungo CNTB Mbonimpa Dieudonné yatanze ikiganiro ku bamenyeshamakuru mu ntumbero y’ugutanga umuco ku ngingo zimwe zimwe ziri mu gitabu c’amategeko mashasha agenga uwo murwi.

Muri ico kiganiro, Mbonimpa Dieudonné yamenyesheje ko abantu batesheje ivyabo n’intambara ariko batarashobora kwitura umurwi CNTB ko bafise ikiringo co kuwitura kitarenga imyaka ibiri nayo niyamara guhera ngo abazoba bataritura uwo murwi ngo bazoheza babone kwitura amasentare atandukanye.

Mbonimpa Dieudonné  amenyesha ko kugera kuri ino saha, umurwi CNTB avugira umaze kwakira amatati angana n’ibihumbi mirongo itandatu muriyo ibihumbi mirongo itatu na bitanu akaba ngo  yaramaze gutorerwa umuti.

Must Read

Basket : Les amis yatwaye igikombe ica ikatisha itike mu cicaro...

0
Kuri uyu w'Imana niho mw'ishirahamwe rya basket ball mu gisagara ca Bujumbura hasozerewe ihiganwa ryo mu cicaro ca kabiri , urukino rwasozereye iryo higanwa...