Umugwi Olympic Star wo mu ntara ya Muyinga wagarukanye abahoze ari abakinyi babo mu mwaka uheze.
Kuri uyu wa mbere waraye uheze igenekerezo rya 06 Rusama umwaka wa 2019 , niho umugwi Olympic Star wo mu ntara ya Muyinga wasubira guha amasezerano mashaha abahoze ari abakinyi bawo aribo umusatirizi wabo Pascal Ramadhan hamwe n’umukinyi wabo w’inyuma Mbazumutima Baba.
Ayo masezerano bakaba bayagiraniye na Général Habarurema asanzwe ari imvukira yo mu ntara ya Muyinga , bikavugwa y’uko ariwe yoba yasubiriye Nzeyimana Musafiri naho bitarashirwa ahabona .
Olympic Star ukaba ari umwe mu migwi yo mu ntara zo hagati mu gihugu umaze gukina inkino za CAF Confederation Cup.
Amakuru Indundi Sports yaronse n’uko uyo murongozi mushasha amaze kwemerera abakunzi b’uyo mugwi y’uko azogarukana abakinyi bose bakinye inkino za CAF Confederation Cup.
Olympic Star ukaba warangije ihiganwa rya Primus league ry’uyu mwaka wa 2018-2019 uri mu kibanza c’10 hamwe n’amanota 37.
