Umugwi nserukiragihugu Intamba mu rugamba watakaje ibibanza 14 ku rutonde rwa FIFA rwama rusohorwa buri kwezi.
Kuri uyu wa kane igenekerezo rya 25 Mukakaro umwaka wa 2019, ishirahamwe rirongoye umupira w’amaguru kw’isi FIFA ryasohoye urutonde rw’ingene imigwi igenda isumbasumbanya ibibanza mu kwezi guheze kwa Ruheshi.
Intamba zikaba zatakaje ibibanza 14 , zikaba zisanze mu kibanza ca 148 mugihe mu kwezi rwa Rusama intamba zari mu kibanza ca 136.
Benshi bakavuga y’uko ukwitwara nabi kw’intamba mu rugamba mw’ihiganwa rya CAN nivyo vyoba vyatumye Uburundi butakaza ivyo bibanza .
Mu nkino 2 za kivandimwe wakinye na Algeria hamwe na Tunisia Intamba mu rugamba zaronse inota rimwe , usubira kandi ukina inkino 3 za CAN uronka amanota 0 n’ukuvuga mu nkino 5 wakinye zose ntiwigeze utsinda .
Mu bihugu dusangiye kano karere ka CECAFA nka Tanzania tuyisanga mu kibanza ca 137 , Urwanda nabwo tubusanga mu kibanza ca 133 , Kenya ikaba iri mu kibanza ca 107 , mugihe Ubuganda ubusanga mu kibanza ca 80.
Ariko naho biri uko abajejwe gutunganya ivyo bibanza boba barabira kuki? Ni mu makuru yacu yo hanyuma.
Mwomenya ko igihugu gifata ikibaza kikiri Ububirigi bugakurikirwa na Brezil hama hagaca hakurikira Ubufaransa.
