HomehomepageOmar Ntakagero agiye kumenyereza umugwi wa Vital'o Fc

Omar Ntakagero agiye kumenyereza umugwi wa Vital’o Fc

Inyuma y’imisi itari mike havurwa amakuru y’uko umumenyereza Omar Ntakagero umwanya n’umwanya ashobora gusuburira Kanyenkore Jean Gilbert Yaoundé ayo makuru yahavuye yemezwa n’umwe mu bari hafi y’umugwi wa Vital’o Fc.

Naho Omar Ntakagero yoba agiye kumenyereza Vital’o Fc , Yaoundé nawe azoba ari hafi yiwe kuko ariwe azoca agirwa nk’umuyobozi mu bijanye n’ubuhinga (Directeur Technique) w’uyo mugwi wa Vital’o Fc.

Bikavugwa y’uko uyo mumenyereza Omar Ntakagero ariwe azokoresha imyimenyerezo yo kuri uyu wa mbere uza igenekerezo rya 09 Kigarama 2019.

Ntakagero Omar akaba yari amaze imisi ata mugwi afise bivanye n’uko yahagaritse amaserano yiwe n’umugwi wa Buja City kumvo z’uko batigeze bakurikiza ivyo bari bemeranije n’uyo mugwi.

Omar akaba yraaciye mu migwi itandukanye ya hano iwacu nka Buja City , Athletico Olympic , Union Sporting , hamwe na Academic Tchite. Yaramaze n’igihe gito mu Rwanda mu mugwi Kirehe Fc munyuma arawuvamwo.

Hampande yo kumenyereza iyo migwi, amaze kuba n’umumenyereza w’umugwi nserukira gihugu w’abatarenza imyaka 23 aba kandi n’icegera c’umumenyereza mukuru w’intamba mu rugamba z’abakuze (Senior).

- Advertisment -

Must Read

Big Fizzo ngo n’abandi nibatumirwe

0
Uno musi impari ntizibuze ku buryo ibiteramo Big Fizzo aheruka gukorera ku mugabane wa buraya vyagenze, ariko kubwiwe ngo ibiteramo vyagenze neza cane. Mu kiganiro...