Kuri uyu wa gatandatu igenekerezo rya 25 Nzero 2020 mu gihugu ca Bangladesh niho umugwi w’Uburundi waserukiwe n’abakinyi ba Aigle Noir wakinye urukino rwa nyuma rw’igikombe ca Bangabandhu Gold Cup n’umugwi nserukira gihugu wa Palestina, urwo rukino rukaba rwarangiye Uburundi butsinzwe na Palestina ibitsindo 3-1 .
Uburundi bukaba bwaciye butahukana ibahasha y’ibihumbi mirongo ibiri vy’amadorari y’amanyamerika nayo Palestine yafashe ikibanza ca mbere yahawe ibahasha ry’amadorari ibihumbi mirongo itatu 30000$.
Mwomenya y’uko igihugu ca Palestina catwaye igikombe kigira kabiri cikurikiranije muri iryo higanwa rya Bangabandhu Gold Cup ririko ribera I Bangladesh.
