5.5 C
New York
Friday, January 22, 2021
Home Handball #Handball&VolleyBall : Umusi wahariwe abakenyezi warahimbajwe biciye mu nkino

#Handball&VolleyBall : Umusi wahariwe abakenyezi warahimbajwe biciye mu nkino

 

Credit photo : Mishe Mishe Sports

Umusi mpuzamakungu wahariwe umukenyezi warahimbajwe ku kibuga c’ubushikiranganji bw’urwaruka inkino n’imicokoma .

Kuri uyu w’Imana waraye uheze igenekerezo rya 8 Ntwarante 2020, abakemyezi bakukurutse mu nkino z’amaboko Handball na Volley ball baragiye hamwe batunganye inkino mu ntumbero yo guhimbaza umusi mpuzamakungu wahariwe umukenyezi.

Ivyo birori bikaba vyatangujwe n’urugendo ruto rukaba rwakurikiwe n’urukino rw’amaboko Handball rukaba rwahuje abapfasoni bakinye kera ubu bakukurutse bahurikiye mu murwi bise mother’s team na Galaxie w’abakiri bato. Urwo rukino rwari rubereye ijisho cane rukaba rwarangiye Galaxie ihurikiyemwo imiyabaga itsinze abakukuruke ba mother’s team 22 kuri 16.

Inyuma y’urwo rukino haciye hakurikira urundi rukino rw’amaboko bita volley ball. Naho nyene abakiri bato batsinze bigoranye abakukuruke seti zitatu kuri 2, izo nkino zikaba zarangiye mu kanyamuneza mbere bakaba baciye baja hamwe kwivuna umusase .

Nelly Arlette Nininahazwe ari mu bateguye izo nkino amenyesha ko bateguye uwo musi kugira abakukuruke bereke abakobwa bakiri mu mahiganwa ko babashigikiye .

Must Read

Dj Bisoso yikuye mw’ihiganwa ry’ikiganiro the Choice yohuriyemwo na DJ Ira...

0
  Ikiganiro The choice gica ku mboneshakure Isibo  yo mu gihugu kibanyi c’Urwanda iriko irategura gutanga ubushimwe mu mice itandukanye y’ubuzima bw’umuziki muri ico gihuguc’Urwanda....