Uku niko abakinyi b’abarundi bakina hanze bigenjeje mu migwi yabo

0
999

Ikinyamakuru Sports 257 caraye gishize ahabona ukuntu abakinyi b’abarundi bakina hanze y’igihugu bagiye bigenza mu migwi yabo mu mpera z’indwi iheze .

🇷🇴Roumanie , Mu cicaro ca 3 Umukinyi BACANAMWO Joel yaraye akinye urukino rwiwe rwambere mumurwi wiwe mushasha wa CS MIROSLVA. Urukino rwarangiye umurwi wiwe utsinze igitsindo (1-0) umurwi PIETRA. Joel yakinye urukino rwose

🇵🇹Portugal,mu cicaro ca 2 umurwi wa VARZIM ukinamwo umukinyi Nduwarugira Christophe wanganije n’umurwi wa CHAVES igitsindo (1-1),umukinyi Lucio yakinye urwo rukino rwose.

🇸🇦Arabia Saoudit,mu cicaro ca 1 umurwi wa AL TWAWOUN” ukinamwo umukinyi Cedric Amissi watsinzwe numurwi wa ABHA ibitsindo(2-1) umukinyi Cedric Amissi ntiyabonetse mururwo rukino

🇧🇪Belgique,mu cicaro ca 1 umurwi wa ZULTE Waregem ukinamwo umukinyi Kizigenza w’umurwi nserukiragihugu Intamba Mu Rugamba “Saido Berahino” wanyagiwe ibitsindo (7-0) n’umurwi wa ANDERLECHT umukinyi Saido yari kuntebe yabasubirira abandi ntiyakinye urwo rukino

🇧🇪Mur’ico gihugu nyene mu cicaro ca 2,umurwi wa LOKEREN FC ukinamwo umukinyi “Diammant Ramazani”ntiwakinye mu mpera yindwi dusozeye

🇰🇪 Kenya umurwi wa “BANDARI FC” ukinamwo umunyegori “Justin Ndikumana” waravyifashemwo neza aho batsinze umurwi wa KARIOBANGI SHARKS igitsindo(1-0) umunyegori Justin yakinye urwo rukino rwose.

🇿🇦 Africa Y’epfo,umurwi wa CHIPPA UTD ukinamwo umukinyi Frederick Nsabiyumva wanganije(0-0)n’umurwi wa Bidvest Wits umukinyi Frédéric yari mubakinyi 11 batanguye kandi yakinye urwo rukino rwose

🇦🇺 umurwi wa MELBOURNE victory ukinamwo umusatirizi Elvis Kamsoba wanyagiwe ibitsindo (4-1)n’umurwi wa SYDNEY FC . Umukinyi Kamsoba yakinye urwo rukino rwose

🇿🇲Murico gihugu umurwi wa ZESCO ukinamwo abakinyi Dieudonné na Enock wanganije numurwi wa GREEN BUFFALOES (1-1)umukinyi Enock yari mubakinyi 11 batanguy mukibuga. Dieudonné ntiyabonetse muri 18.

🇿🇲 Umurwi wa LUSAKA dymas ukinamwo ARAKAZA Arthur watsinze ibitsindo (2-1)umurwi KANSANSHI DYNAMOS. Umukinyi Arakaza nabwo yaronse amahirwe yokuba mubakinyi 11 batanguye

🇿🇲Murico guhugu nyene umurwi wa NAPSA ukinamwo MAVUGO watsinze ibitsindo (2-1) umurwi wa GREEN EAGLES umukinyi Mavugo ntiyabonetse murwo Rukino

🇹🇿Tanzania,umurwi wa “NAMUNGO FC” ukinamwo abasore ba Barundi babiri “Steve Nzigamasabo na Blaise Bigirimana” wanganije (0-0) n’umurwi wa POLISI (0-0)abo basore bose barabonetse mu kibuga muri 11 batanguye mur’urwo rukino.

🇹🇿Mur’ico gihugu nyene,umurwi wa KMC ukinamwo abakinyi bakomoka hano mu gihugu cacu(Nahimana Jonnathan,Mvuyekure Emmanuel Manu,Ndikumana Selemani) watsinze ibitsindo (2-0)umurwi wa MBAO FC umukinyi Jonathan Nahimana niwe yabonetse murwo rukino . Umukinyi Selemani ari mukaruhuko i Bujumbura.

🇺🇬Uganda umurwi wa “MBARARA City” ukinamwo umukinyi “Pistis ntiwakinye mu mpera y’indwi dusozereye

🇺🇬 murico gihugu nyene umurwi wa VIPERS ukinamwo umunyezamu Fabien Wanganije numurwi wa WAKISO (0-0) Fabien yakinye urukino rwose

🇪🇬 Égypte umurwi wa ENPPI ukinamwo Fiston uzokina igenekerezo kumusi wagatatu igenekerezo 11/3/2020 n’umurwi wa PYRAMIDS

🇱🇺Hollande umurwi wa Heracles 2 ukinamwo umusatirizi Mohamed Amissi uzokina ejo igenekerezo 10/3/2020 n’umurwi wa NEC

🇹🇷Turquia, umurwi wa MALATYASPOR ukinamwo umukinyi “Ndayishimiye Yussuf Nyange uzokina kumusi wagatatu 11/3/2020 n’umurwi wa Trabzonspor

🇹🇳Muri Tunisie Abakinyi ba Barundi bakinayo (Shaka Bienvenue na Tity Mavugo) imirwi bakinamwo izokina ejo igenekerezo rya 10/3/2020