5.5 C
New York
Monday, September 27, 2021
HomeBurundiDavid ngo ntiyahagaritse umuziki, yahinduye uburyo awukora

David ngo ntiyahagaritse umuziki, yahinduye uburyo awukora

David Nduwimana ngo ntiyahagaritse umuziki ariko icabaye nuko yahinduye uburyo akoramwo umuziki gusa, n’ayahandi ibikorwa ngo biracakorwa ukuri kwamye.

Mu kiganiro n’imboneshakure yo mu gihugu kibanyi c’Urwanda, uwo muririmvyi abarizwa muri Australie muri kino gihe, yabajijwe nimba yari yarahagaritse umuziki muri ino myaka 7 amaze muri ico gihugu. Yabihakanye ahubwo avuga ko yahinduye uburyo yakoramwo umuziki.

Muri ico kiganiro David yavuze ko yarasigaye aririmba indirimbo ziri mu rurimi rw’icongereza, ngo kuko yasanze hariya umuziki uvuzwa, canke ukorwa uburyo butandukanye cane n’ubwo bari basanzwe bakoramwo akiri I Burundi.

Ariko akaba yavuze ko muri kino gihe yagarutse kuririmba indirimbo ziri mu rurimi kavukire. Aho ni nk’indirimbo Mu bwigobeko aheruka gushirira ahabona amasanamu y’amajambo arimwo bita mu kinyamazuru “Lyrics Video”.

Ku batamwibuka David Nduwimana n’umwe mu baririmvyi bari mu murwi wo guhimbaza no gutazira mw’isengero Life Center mu Nyakabiga, akaba kandi n’umwe mu bari bagize umurwi Shemeza Music, ariko kandi akaba yarasanzwe aririmba ku ruhande rwiwe aho yasohoye indirimbo zitari nke zirimwo Yesu niwe canke Urashoboye.

- Advertisment -

Must Read

# indundi Sports| Ndikumana Justin yongewe amasezerano muri Bandari Fc

0
Justin Ndikumana abandanya yizerwa muri Bandari Fc umugwi wo mu cicaro ca mbere mu gihugu ca Kenya. Kuri uyu wa gatanu waraye uheze igenekerezo rya...