BurundiEnvironnementhomepagekirundi

Rumonge : Iduga ry’amazi y’ikiyaga Tanganyika ryononye vyinshi

Amahegitari arenga mirongo itanu ari ahitwa mu Gatakwa, ni muri Komine hamwe n’intara ya Rumonge yahora yimburwamwo umuceri, ibigori n’ibindi biterwa bitandukanye, niyo amaze guhitanwa n’iduga ry’amazi y’ikiyaga Tanganyika.

Abel Ndayishimiye arongoye ibiro vy’intara bijejwe gukurikirana ibidukikije, uburimyi n’ubworozi muri iyo ntara ya Rumonge akaba yabishikirije mu rugendo ubushikiranganji bw’ibidukikije, uburimyi n’ubworozi buriko buragira mu mihingo itandukanye mu ntumbero yo kuraba ivyahitanywe n’iduga ry’amazi y’ico kiyaga hamwe n’ihindagurika ry’ibihe.

Umushikiranganji w’ibidukikije, uburimyi n’ubworozi Déo Guide Rurema ahamagarira umuntu wese kugira ico aterereye mu gukingira ibidukikije aho aherereye hose.

What's your reaction?

Related Posts

1 of 58