5.5 C
New York
Wednesday, October 27, 2021
HomeAthletismeFrancine yerekanye iyo akura ubutunzi afise

Francine yerekanye iyo akura ubutunzi afise

Ikibanza Francine Niyonsaba agezeko uno musi ngo ntiyarazi ko yokigezeko. Ariko icamuteye gushika aho ageze, uwo munonotsi avuga ko ari ubwira, ubukerebutsi n’ukwitanga cane.

Uwo mwana yavukiye mw’ikomine vyamusaba amasaha abiri kugira ashike ku mugwa mukuru w’intara ya Ruyigi, ngo uno musi amara igihe kinini mu mwaka muri State ya Oregon muri Leta zunze ubumwe za amerika, akimenyereza ku cicaro ca NIKE.

Bujumbura iri muvyamuteye gukora cane ubwa mbere kugira abashe kumanukanwa mw’ihiganwa, akanahaba rimwe na rimwe asavye indaro mu bantu atanico basana, ngo ubu ahafise inzu y’akarorero muri Quartier yitwa Le Mirroir iri hafi y’ikibuga c’indege ca Bujumbura.

Uwo munonotsi afise izina rikunzwe cane kw’isi kubera ibibanza akunze kuronka mu mahiganwa atandukanye akora, ngo ntaciyunguruza n’amaguru nkuko vyahora, ariko nawe asigaye afise ingendeshwa.

Iyo ngendeshwa asigaye afise, uwo munonotsi yamenyesheje mu kiyago Imboneza Talk Show ko iri mu bwoko bwa Toyota Landcruiser V8. Iyo ikaba ifise agaciro kababa 360, 000, 000 fbu.

Muri ico kiyago Imboneza Talk Show, yajijwe nimba uburyo bumufasha kubaho abukura mu kwinonora gusa canke afise ikindi asanzwe akora, noneho ababwira ko ata kindi akora, atari ukwinonora imitsi gusa.

Basubiriye kumubaza uko buboneka, aca asigura ko abantu bamaze kugera kure nkawe amafaranga bayakura mu masezerano baba bafitanye n’amashirahamwe akomakomeye, we akaba ayafitanye na NIKE. Ayandi nayo ngo ayakura mu mahiganwa mpuzamakungu aba yitavye.

Ku kibazo c’uko hano iwacu abanonotsi bashobora gutungwa n’uwo mwuga gusa, Francine ngo nta cizere abifisemwo kuko habura vyinshi kugira bikunde ko ata kindi bobibangikanya.

- Advertisment -

Must Read

Africa Nova agiye gusubira kuryohera abamukunda

0
Indirimbo zitari nke za Africa Nova zakunzwe haraheze igihe kitari gito, ziriko zirasubirwamwo. izo ndirimbo zikaba ziriko zisubirwamwo n'uwo muririmvyi nyene. Imwe muriyo ni Mwiriwe...