Gaston Sindimwo yaraye afuswe burundu mu mugambwe Uprona kumwe n’abandi 2

0
640

Abadasigana Gaston Sindimwo yahoze ari icegera ca mbere c’umukuru w’igihugu kuva mu mwaka w’2015 gushika mu mwaka w’2020, Anicet Niyongabo na Isidore Mbayahaga baraye bafuswe burundu mu mugambwe w’abadasigana UPRONA, kuri uyu wa kabiri, igenekerezo rya 11 Rusama 2021.

Inyuma y’inama y’urwego nyobozi rw’uwo mugambwe, Abel Gashatsi awurongoye yasiguye ko abo banywanyi babandanije kwitwara nabi muri uyo mugambwe. Iyo nama yabaye hari abatemerewe kwinjira, bemeza ko bari babifitiye uburenganzira.

Mwomenya ko kuwa gatandatu uheze, abo badasigana bari biyamirije ingingo zifatwa n’inzego z’umugambwe muri kino gihe. Isidore Mbayahaga yasiguye ko izo nzego zamaze ikiringo guhera mu mwaka w’2019 ariko zibandanya gutwara uwo mugambwe.