Imigwi y’abigeme la Colombe na Buja Queens yaraye inganije.
Hari kuri uyu w’Imana igenekerezo rya 11 Kigarama 2022 isaha zitatu zo mugitondo , aho umugwi La Colombe wari uramutse wakira Buja Queens mu rukino rw’indwi igira 4 rw’ihiganwa ry’abigeme Lumitel Women’s League, urwo rukino rukaba rwarangiye imigwi yose inganije igitsindo 1-1 .
La Colombe niyo yatanguye kwinjiza igitsindo biciye kuri Peace Olga Niyomwungere gice kigomborwa mu minota ya nyuma y’urukino na Espérance Habonimana Tchiba .
Iyindi migwi yatsindanye uku gukurikira :
– Onze Etoiles yatsinzwe na Etoile M ibitsindo 4 kuri 1
– Intwarikazi yatsinze Les lionnes ibitsindo 3 ku 0
– PVP Buyenzi yatsinze Bon Avenir ibitsindo 16 ku 0
– Rain Bow itsindwa na Fofila PF ibitsindo 21 ku 0.
