Umukinyi w’Intamba mu Rugamba Youssuf Ndayishimiye abandanya yizerwa mu murwi akinamwo OGC Nice.
Hari kuri uyu w’Imana igenekerezo rya 05 Ruhuhuma 2023 , niho umurwi Olympique de Marseille wari wakiriye umurwi wa OGC Nice mu rukino rw’indwi igira 22 rw’ihiganwa ryo mu bufaransa ( Ligue 1).
Urwo rukino rwarangiye Olympique de Marseille itsinzwe na OGC Nice ikinamwo Ndayishimiye Youssuf ibitsindo 3 kuri 1 .
Youssuf yari mu bakinyi 11 batanguye mu kibuga kuruhande rwa OGC Nice , aronka ikarata y’umuhondo ku munota wa 58”9, asubirizwa ku munota wa 73 w’urukino .
Urwo rukaba rwari urukino rwa 3 Youssuf Ndayishimiye akinye muri OGC Nice , kuvaho aziriye muri urwo murwi ntibaratakaza n’urukino na rumwe , benshi bakavuga y’uko yazananye umugisha .
Mwomenya ko mu nkino 5 ziherutse , OGV Nice yatsinze 4 inganya urukino rumwe .
