Uwurongoye Ishirahamwe ry’umupira w’amaguru mu Burundi Général de Brigade de Police abandanya akomeza ubucuti hagati y’iwe n’ayandi mashirahamwe y’umupira w’amaguru .
Inyuma yo kwitabira ibirori vy’ubushimwe FIFATHEBEST vyabereye mu bufaransa mu misi iheze, hamwe no guhura n’uwurongoye ishirahamwe ry’umupira w’amaguru kw’Isi FIFA Gainni Infantino , Muyenge Alexandre yaciye yitabira ubutumire bwa mugenziwe arongoye ishirahamwe ry’umupira w’amaguru mu gihugu c’Ububirigi Paul Van De Bulck.
Bakaba bayaze ibitari bike mu vyo guteza imbere umupira w’amaguru wo mu Burundi na cane cane uhereye mu rwaruka harimwo no kwagura imigenderanire ( Partenariat) hagati y’amashirahamwe basanzwe barongoye.
Paul Van De Bulck yaciye amwemerera ko mu misi iri mbere bagiranira amasezerano yo gufashanya hagati y’ishirahamwe ry’umupira w’amaguru ryo mu Burundi (FFB ) hamwe n’ishirahamwe ry’umupira w’amaguru ryo mu Bubirigi ( Royal Belgiun FA) .
Uwo mubonano ukaba warangiye bahanye utuganuke .
