Gukubita ingumu umuhagarikizi bitumye Inter Star ihaguruka no guhagarika umukinyi wabo Assumani Akbar .
Umukinyi Assumani Akbar yakubise ingumu umuhagarikizi akana mukomeretsa kw’igenekerezo rya 11 Ntwarante 2023 mu rukino rw’indwi ya 23 rwa Primus League rwahuje Inter Star na Musongati Fc ivyatumye ahabwa ikarata itukura yagaritswe .
Umurwi Inter Star ukaba wasohoye itangazo usaba imbabazi ishirahamwe ry’umupira w’amaguru mu Burundi FFB bivanye n’iyo ngendo igayitse y’uwo mukinyi akaba ari nayo mpamvu yaciye ahagarikwa mu kiringo kiratamenyakana .
Umurwi Inter Star hampande yo gusaba imbabaz FFB wasavye n’imbabazi abahagarikizi bose , abakinyi bose , ku bamenyereza n’abakunzi b’umupira w’amaguru muri rusangi .
Uwo murwi ukaba wemereye abakunzi b’inkino ko iyo ngendo igayitse itazosubira kwibonekeza muri uwo murwi .
Mwomenya ko muri urwo rukino Inter Star yanyagiwe na Musongati Fc ibitsindo 4-0.
