Inyuma yo kwitabira inkino zibiri za kibandimwe z’Intamba mu rugamba hamwe na Indonésie, Manager w’intamba mu rugamba ari mu gihugu c’Uburundi .
Icatumye azanana n’abandi mu gihugu c’Uburundi n’ukuza kuraba umurima wiwe uri ku mutumba wa Nyaruntana mu ntara ya Ngozi aho asanzwe avuka , akaba yarashoboye kwifadikanya n’umurwi ahora afasha wa Nyaruntana City gusarura umurima w’ibigori ungana n’ihegitari imwe yari yaharimiye .
Umurwi Nyaruntana City ukaba waboneyeho akaryo ko gushimira iyo Ndongozi ukuntu ibakurikirana , abakinyi n’abo bakaba bamwemereye ko bazomufasha mu bikorwa vy’iterambere .
Manager Mutima Constantin akaba yabwiye indundi Sports ko inyuma y’inkino , n’uburimyi atakubusiga inyuma kuko umurundi wese ategerezwa gushigira icivugo ca Reta Nkozi reta Mvyeyi.
Mwomenya ko Manager w’Intamba mu rugamba Mutima Constantin asanzwe aba mu gihugu c’Ubwongereza.
