Inyuma y’imyaka 17 babana bidaciye mu mategeko bahavuye basezerana.

April 15, 2023

263

Twabamenye Inyuma y’ivyago bahuye navyo ivyabo bigasha bagitokombera bagasigara bifumbereje, nayo umupfasoni Élisabeth ubukene bumaze kumuzengereza agitamwo gutana abana mu nzu Peniel ariyomokera.

Uwo mugore n’umugabo bompi bakaba babarizwa mw’ikambi y’abateshejwe izabo mu Gatumba kumvo z’umwuzure w’amazi nibo barushinze imbere y’amategeko.

Kw’igenekerezo rya 15 Ndamukiza umwaka 2023, baraye bubatse imbere y’amategeko y’igihugu basezerana kubana akaramata.
Peniel azwi kw’izina rya Papa Évrard arakengurukira mwese mwabonye amakuru yiwe kuri Indundi TV muratabara, arakengurukira kandi n’Ishengero Holy Center ryamwakiriye ritamuzi rikanamufasha haba ku mutima no ku mubiri. Ngo umutima wo gutabara mwamweretse nawe azowereka abandi .

Peniel umusi wambere uruganda rwa Indundi TV rumushikako

Elisabeth umusi wambere uruganda rwa Indundi TV rumushikako

Uwo muryango ukaba wubatse urwabo usanganywe uruvyaro rw’abana 4 ,bompi bakaba baba mu kambi y’abateshejwe izabo n’umwuzure w’amazi mu Gatumba.
Inyuma y’ibirori vy’ugwo rubanza bakaba bagiriyeko biyemeza ko bagiye kwubaka baciye no mu ngoro y’Imana bimwe bakunze kwita kwubaka Rukiristo, aho bukera bakazobitumenyesha.

Ku bifuza kubandanya gushigikira urwo rugo rushasha téléphone zabo ni izo zikurikira: Peniel: +25766479719
Elisabeth : +25767024920.