Iyindi ndirimbo iri muri zimwe zahagarikwa na rwa rwego rugenzura uko ibimenyeshamakuru bikora, CNC, igiye gukorerwa Cover, iyo nayo ikaba ari Yalampaye, ya Kivumbi King na Kirikou akili.
Iyo ndirimbo ikaba igiye gukorerwa Cover n’abigeme babiri, Megi na Stella. Aba bakaba baheruka gusubiramwo izindi ndirimbo 2, imwe murizo yabonetse muri urwo rutonde. Megi akaba yasubiyemwo Legend ya Lino G, nayo Stella asubiwemwo ITamporize ya Drama t.
Nkuko twabashije kubibona ku rubuga rwa Instagram, ntiharamenyekana ryari bazoyishirira ahabona, babaye baramenyesha ko iri mu nzira.
Baramutse bitwaye neza, bakaba bariko bagenda nkuko umuririmvyikazi Esther Nish yatanguye, kuko nawe yamenyekanye cane biciye mu ndirimbo z’abandi zaba zikunzwe yabashije gusubiramwo.
Aba bigeme bose bakaba baboneka ko bafashwa na Studio yitwa Sound Of, ari nayo yashize izo ndirimbo z’abo bigeme biboneka ko bakiri bato ku rubuga rw’abo rwa YouTube.
Aha mukibuka ko naho izoba isubiwemwo, bishoboka ko izoba ari Indirimbo zo kwumvirizwa mu butambiro canke Kuri Internet gusa, kuko batazobasha guhabwa akanya ko gukora Ibiganiro ngo iyo ndirimbo Ibashe kuvuzwa.
