Home homepage Ng'iki icatumye Omar Ntakagero atanga imihoho muri Vital'o Fc

Ng’iki icatumye Omar Ntakagero atanga imihoho muri Vital’o Fc

Kuri uyu wa gatanu igenekerezo rya 10 Nzero 2019 niho hamenyekana y’uko umumenyereza Ntakagero Omar atakiri mu mugwi wa Vital’o Fc.

Mu kiganiro Omar Ntakagero yatanze kwinsamirizi Buja FM mu kiganiro c’inkino kuri uyu wa gatanu igenekerezo rya 10 Nzero yatangaje ko yamaze gutandukana n’uyo mugwi kuva kw’igenekerezo rya 06 Nzero 2020.

Intandaro ya vyose ngo ni icuka yabonye kitameze neza hagati y’abafana n’indongozi aho yabonye umufana afata mumashati umwe mu ndongozi z’umugwi wa Vital’o Fc amuhora y’uko Yaoundé yahinduriwe akazi ivyatumye uyo mumenyereza yiyumvira gukinjura kugira ntibizohave bimutera ibibazo mu nyuma.

Omar Ntakagero akaba yasubiye arungikira ubutumwa abavuga y’uko yari arwaye canke ngo yasiba mu myimenyerezo ngo sivyo na gato kuko ikete ryo gutandukana n’uyo mugwi yari yararirungikiye indongozi z’uyo mugwi kuva ku musi wa mbere igenekerezo rya 6 Nzero 2020 bivanye n’uko wewe adakunda gukorera mu nduru.

Omar Ntakagero akaba yari amaze ukwezi n’igice muri uyo mugwi wa Vital’o Fc .

Yari amaze kumenyereza umugwi wa Vital’o Fc, urukino rumwe gusa muri izi nkino z’igice co gusubiriza narwo akaba yararutsinzwe n’umugwi wa Burundi Sports Dynamic igitsindo 1-0.

Ntakagero akaba afise impamyabushobozi y’ubumenyereza ( licence A), akaba yari amaze kumenyereza imigwi itandukanye ya hano iwacu nka Buja City, Athletico Olympic, Academies Tchite hamwe na Union Sporting Royale Fc. Yanamenyereje kandi n’umugwi nserukira gihugu w’abatarenza imyaka 23, U23 ndetse aranaba n’icegera c’umumenyereza mukuru w’intamba mu rugamba Senior.

Facebook Comments

Most Popular

Kirikou ngo Big Fizzo aharanira inyungu za buri muririmvyi wese w’Umurundi

https://www.youtube.com/watch?v=WQtmaXoJaK0 Big Fizzo kumusubiriza ngo ntibizoroha, ivyo n’ibiheruka gushikirizwa na Kirikou Akili akoresheje urubuga rwiwe rwa Facebook. Muri ubwo butumwa yashikirije kuri urwo rubuga, yamenyesheje ko...

Education : Bazindutse bugariza ishure

Abavyeyi barereye kw’ishure ryitiriwe inyenyeri riri i Maramvya muri komine Mutimbuzi intara ya Bujumbura, bazindutse kuri uyu wa gatanu bugariza iryo shure. Abo bavyeyi...

Abibaza ko coronavirus yaheze ngo ni ukwihenda cane.

Muri ino minsi haribonekeza ukudebukirwa mu kwikingira coronavirus, aho abantu badatinya gukoranako mu kuramukanya, mu kutubahiriza imetero hagati y'umuntu n'uwundi nayo gukaraba vyo vyabaye...

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Facebook Comments