Home Burundi Abantu 17 barapfunzwe kubera urudandazwa rw'amahera rutemewe n'amategeko

Abantu 17 barapfunzwe kubera urudandazwa rw’amahera rutemewe n’amategeko

Abantu 17 bo mw’ishirahamwe Crowd1 ricuruza amafaranga ku buhinga ngurukanabumenyi bari mu minwe y’igipolisi bagirizwa gukora inama y’ishirahamwe ritazwi n’amategeko.

Umuvugizi w’ubushikiranganji bw’umutekano yabwiye Radio Isanganiro ko abo barobowe mu bandi barenga 300 bari bafashwe bari muri iyo nama ejo ku wa kabiri ku mugoroba.

Pierre Nkurikiye avugira ubwo bushikiranganji avuga y’uko abo bantu bafashwe n’igipolisi bari mu nama muri zone Rohero mu gisagara ca Bujumbura.

Avuga ko abari mu minwe y’igipolisi ari abariko bakorwako amatohoza kubijanye n’uko ishirahamwe Crowd1 ryoba rifise intumbero yo kwiba abanyagihugu.

Haciye amezi make ibanki nkuru y’igihugu, BRB, igabishije abarundi kwirinda urudandazwa rw’amafaranga rukorwa biciye mu mihora ngurukanabumenyi bita ‘monnaies virtuelles’ canke crypto-monnaies.

Mw’itangazo yasohoye mu kw’umunani umwaka uheze, BRB yavuze ko urudandazwa rw’amafaranga yo kuri iyo mihora nka Bitcoin, Ether, Litecoin, Onecoin, Fahari Cash Coin, Ello Cash Coin rutemewe.

Jean Ciza, umukuru w’iyo banki, yavuze ko ayo mafaranga akoreshwa mu buryo butagira amategeko bwisunga ahantu na hamwe kw’isi, kuko ngo nta banki n’imwe y’igihugu kw’isi yose irayemera.

Ati: “Ivyo bituma ibikorwa muri ayo mafaranga bisa n’ivyo ubusuma…”

Abatari bake muri iki gihe barinjira mu rudandazwa rw’amafaranga mu buryo butandukanye leta z’ibihugu zimwe zivuga ko rutemewe.

Facebook Comments

Most Popular

Uburundi bwakuwe ku rutonde rw’ibihugu bizokwirwako n’inama mpuzamakungu ONU

Ni umunezero udasazwe ku Burundi n’abarundi aho bwasabiye ko bukurwa ku rutonde rw’ibihugu vyirwako n’inama mpuzamakungu ONU ijejwe ivy’umutekano. Ku rubuga rwiwe rwa Twitter, umushikiranganji...

Agriculture: Ntacobuza ko ikigoti kimwe kivamwo ibiro birenga 20

Mu gihe igiterwa c’imyumbati citaweho neza, ngo ikigoti kimwe gishobora kuvamwo umwimbu ushimishije cane. Aho yari yagendeye intara ya Gitega neza na neza muri karitiye...

Abakinyi ba Musongati Fc bafashe urugendo berekeza muri Zambia

Mu gatondo ko kuri uyu wa gatanu igenekerezo rya 04 Kigarama 2020, niho umugwi Musongati Fc w’i Gitega wafata indege werekeza mu gihugu ca...

Ivyokorwa kugira ngo imyuzure igabanuke mu gisagara ca Bujumbura

Abanyagihugu bo mu gisagara ca Bujumbura ngo barakwiye kwubaka amazu bisunze amategeko agenga ivyo kwubaka kugira birinde guterwa n'imyuzurira yama yibonekeza, ikonona ibintu bitari...

Facebook Comments