Home africa news Afrika y’epfo : Abanyamahanga 100 batawe muri yompi

Afrika y’epfo : Abanyamahanga 100 batawe muri yompi

Igipolisi ca Afrika y’Epfo cataye muri yompi abanyamahanga 100 badafise ibibaranga mu karere ka Diepsloot kari mu buraruko bw’igisagara ca Johannesburg inyuma y’imigumuko yadutse muri ico gisagara.

Iyo migumuko yavuye kw’igandagurwa ry’intwazangabo mu gipolisi ryagirijwe umunyazimbabwe haciye indwi irenga.
Ibintu ntivyifashe neza muri ako karere inyuma y’aho igipolisi gikoreye uruhigi ku banyamahanga badafise ibibaranga.

Urwo ruhigi rwakurikiye imyiyerekano y’abanyagihugu baba muri ico gisagara bateye amaduka y’abanyamahanga basanzwe bagirizwa ko ari bo nkwezi y’ingorane y’ubukene muri ico gihugu.
Intwazangabo mu gipolisi Oupa Matjie yarishwe mu gihe bagomba gufata umusuma, ababa muri ico gisagara bakagiriza umugabo akomoka muri Zimbabwe ko ari we yamugandaguye.
Ubwo bwicanyi bwatumye haduka iyo migumuko, maze isanamu y’uwo yagirizwa ikwiragizwa ku mbuga ngurukanabumenyi.

Abanya Afrika y’Epfo benshi baba muri ako karere bariyamiriza ihohoterwa rikorerwa abanyamahanga, mu gihe abandi nabo babagabisha ko bokwitonda canke naho bakava muri ico gihugu.
Ntawuzi amaherezo y’abo banyamahanga bakomoka mu bihugu bitandukanye vya Afrika bafashwe badafise ibibaranga.

Mwomenya ko, akenshi bimaze kwibonekeza ko igipolisi, iyo gihagaritse abanyamahanga baba mu gihugu badafise ibibaranga, kiruhira kubarekura bakisubirira mu mihana.

Facebook Comments

Most Popular

Umugwi Musongati Fc washitse neza i Lusaka muri Zambia

  Umugwi Musongati Fc wo mu ntara ya Gitega waserukiye Uburundi mu mahiganwa ya CAF Confederation Cup waraye ushitse neza i Lusaka mu gihugu ca...

PLB : Uku niko imigwi izohura kundwi ya 13

  Kuri uyu wa gatandatu igenekerezo rya 05 na 06 Kigarama 2020, ihiganwa ryo mu cicaro ca mbere mu Burundi Primus league rizobandanya kundwi yaryo...

Olivier Niyungeko niwe yatahukanye agashimwe k’umumenyereza w’ukwezi kwa Munyonyo

  Ata gukekeranya umumenyereza w’umugwi Vital’o Fc akongera akaba icegera c’umumenyereza w’intamba mu rugamba Alain Olivier Niyingeko niwe yatahukanye agashimwe gasanzwe gatangwa na BCM Burundi...

Ahamagarira abana kwiga urukino rwa Karaté

Mu bihe vy’ibiruhuko abamenyereza mu nkino zitandukanye baratunganya ivyirwa ku bana baba bari mu karuhuko, nko mu nkino za Football, na Basketball hamwe na...

Facebook Comments