Home abakinyi bakina hanze FFB yahagaritse umukinyi wa Police Fc yo mu Rwanda

FFB yahagaritse umukinyi wa Police Fc yo mu Rwanda

Ku musi wa kabiri igenekerezo rya 04 Ruhuhuma 2020 niho ishirahamwe ry’umupira w’amaguru mu Burundi FFB mu gisata co gutunganya inkino zitandukanye cafashe ingingo yo guhanisha impaga (forfait) umugwi Telaviv Academy mu rukino rw’igikombe citiriwe Umukuru w’igihugu c’Uburundi aho Telaviv batsinze umugwi wa Holy Center ku ma penalties 4 kuri 2 inyuma yo kurangiza urukino iyo migwi yose inganije ibitsindo 2 kuri 2 .

Mw’ikete twasomye n’uko umukinyi w’umusatirizi Ndikumana Magloire adafise uruhusha na rumwe rwo gukina mu mahiganwa ayariyo yose azwi na FFB bivanye n’uko atararonka ibibapuro bimuha uburenganzira bwo gukina mu Burundi ( Transfert).

Mukamenya y’uko Magloire yahora akinira umugwi wa Police Fc munyuma agira ikibazo co kwakwa indangamuntu yo mu gihugu c’Urwanda bivanye n’uko yayikoresha atayifitiye uruhusha.

Ku makuru twaronse mu gihugu c’Urwanda n’uko bagize amatahoza bagasanga ukoresha indangamuntu yo mu Rwanda utayifitiye uruhusha uca wakwa uburenganzira bwo gukinira muri ico gihugu ukatagwa no mu gasho.

Akaba akiri umukinyi wa Police Fc bivanye n’uko yari yamaze gushira umukuno ku masezerano yo kubakinira mu kiringo c’imyaka 2 , umugwi wose uzomwipfuza uzobanza kuvugana na Police Fc.

Ndikumana Magloire yari asanzwe akorera imyimenyerezo mu mugwi wa Vital’o Fc aho vyavuzwe y’uko ashobora gukina muri uyo mugwi ariko mu nyuma vyahavuye vyanka y’uko iyo migwi yompi yumvikana kubijanye n’igurwa ry’uyo mukinyi.

Magloire akaba yarakiniye umugwi wa JCA hamwe na Olympic Star y’i Muyinga, yanakiniye n’umugwi nserukira gihugu w’intamba mu rugamba z’abatarenza imyaka 23.

Facebook Comments

Most Popular

Ngozi : Mu myaka 5, hatwaye inda z’ishushu abarenga amajana atanu.

Abanyeshure bashika 527 ni bo batwaye inda z'indaro mu ntara ya #Ngozi, kuva mu 2015 gushika mu 2020. Ihangiro ry'intara ya Ngozi n'uko urwaruka rwokwigishwa...

Bikurubikuru mu vyaranguwe mu gisata c’uburimyi

Ubushikiranganji bw'Uburimyi, ubworozi hamwe n'Ibidukikije bumenyesha ko ibikorwa vyagenze neza kubice 98% mu gice ca mbere c'umwaka wa 2020-2021. Bikurubikuru mu vyaranguwe mu gisata c’uburimyi...

Basaba ikiringo bahawe na Reta co kwugara ko cokwongerezwa

Ishiramwe mpuzamakungu ONU risaba ko ikiringo catanzwe na Reta y’Uburundi ngo habe hugawe ibiro vy’intumwa idasanzwe y’umunyamabanga mukuru w’iryo shirahamwe congerezwa. Vyashikirijwe n’umuvugizi w’umukuru w’igihugu,...

Ivyaranguwe n’ibigiye kurangurwa mw’ishirahamwe ATRABU

Abanywanyi barenga 300 b'ishirahamwe ATRABU rijejwe gutwara abantu n’ibintu mu Burundi nibo barihiwe amafaranga y’ubwishingizi (assurance). Imiriyoni  zirenga 90 ngo zarahawe amashirahamwe akorera muri...

Facebook Comments