Home Burundi #BurundiSpox| Indamutso y'umukuru w'igihugu Petero Nkurunziza

#BurundiSpox| Indamutso y’umukuru w’igihugu Petero Nkurunziza

Kuri uno wa gatanu igenekerezo rya 20 Ntwarante 2020, haramutse haba ikiganiro c’abavugizi b’inzego zitandukanye zigize igihugu aho bishura ku bibazo bitandukanye vy’abamenyeshamakuru n’abanyagihugu.

Nk’uko bisanzwe ico kiganiro cama cugururwa n’ijambo ry’umukuru w’igihugu c’Uburundi Petero Nkurunziza.

Muri iryo jambo, umukuru w’igihugu yagarutse ku kiza ca Coronavirus kimaze imisi giteye isi aboneraho guhimiriza abanyagihugu gufata nkama impanuro n’inyigisho z’abajejwe amagara y’abantu gutyo tubone kuzitira tutaronerwa.

Arashimira kandi abama na ntaryo bitanga kugira ngo amahoro n’umutekano bibandanye bisasagara mu Burundi.

Umukuru w’igihugu Petero Nkurunziza ahamagarira kandi abanyagihugu kwijukira amashirahamwe n’amakoperative na kare tubiri tuvurana ubupfu. Yaboneyeho kandi kubibutsa ko amafaranga baheruka guhabwa ko atari imfashanyo ahubwo ari ingurane bategerezwa kuzosubiza kugira ngo n’abandi bashikirwe gutyo iterambere ribone gushwara hose.

Muri kino gihe twimirije amatora, umukuru w’igihugu Petero Nkurunziza ahamagarira abarundi kwama barikanuye ntihagire uwobaca mu ryahumye. Nayo ku bazoba bariko barahiganwa mu matora, Perezida Nkurunziza abahamagarira kwirinda guterana amajambo atyozanya kuko abantu n’imigambwe birahera yamara Uburundi bwo buzokwamaho.

Facebook Comments

Most Popular

Imyambaro iahika ku 500 yanditsweko Saidi Ntibazonkiza igiye gushirwa ahabona

  Uwusanzwe ari umuvugizi wa Yang Africans Antonio Nugaz yavuze y’uko umukinyi w’umurundi Saidi Ntibazonkiza agiye kwitegurirwa bimwe bikomeye. Mu kiganiro yakoranye n’imwe mu mboneshakure yo...

Breaking news: Papa Bouba Diop wa Sénegal yaraye aryamiye ukoboko kw’abagabo

Uwatsinze igitsindo ca mbere mu gikombe c’isi c’umwaka wa 2002 agitsinze Ubufaransa aho Senegal yatsinze igitsindo 1-0 , Papa Bouba Diop yaraye aryamiye...

PLB : Uku niko imigwi igiye guhura kundwi ya 12

  Inyuma y’aho inkino za CAF Champions league hamwe na CAF conféderation Cup zirangiriye mu mpera zindwi iheze aho imigwi yacu yari yaserukiwe na Messager...

Diaspora News: Abahamagarira kwitaba inama yo kurabira hamwe igituma baguma bagandagurwa

Mu butumwa aheruka kurungikira ubuserukizi bw’ibihugu vya Afrika buri mu gihugu c’Uburusiya, umuserukizi w’Uburundi muri ico gihugu Edouard Bizimana abahamagarira kwunga urunani maze biyamirize...

Facebook Comments