Home football Ferouz Haruna yaraye agize isanganya urutoke ruhakwa gucika

Ferouz Haruna yaraye agize isanganya urutoke ruhakwa gucika

 

Kuri uyu wa Mungu waraye uheze igenekerezo rya 22 Ntwarante 2020, isaha 8h00 zo mugatondo niho umumenyereza w’umugwi wa Flambeau du centre Ferouz Haruna yagira isanganya ari kw’ipikipiki yiwe.

Iryo sanganya akaba yarikoreye ahitwa kuri PAFE mu gihe yariko yerekeza mu mw’iherero w’umugwi wiwe wa Flambeau du centre mugihe isaha 13h30 uwo mugwi wari witezwe gutana mu mitwe na Inter Star .

Akaba yaciye ajanwa kw’ivuriro ry’abaganga batagira imbibe (Médecin Sans Frontiers) ashitseyo abanganga baramusuzumye basanga yakomeretse cane ku rutoke rwiwe ibishobora gutuma baruca umwanya n’umwanya.

Ferouz aganira na Indundi Sports yavuze y’uko muri kino gihe ameze neza kandi ashobora gusohoka mu bitaro kuri uyu wa gatatu.

“Ndashimira Imana kubona narokotse mw’isanganya nakoze meze neza abaganga barankurikiranye bambwira y’uko ata kibazo kinini naronse kiretse gukomereka cane ku rutoke ninayo mpamvu pampaye imisi itatu gusa kugira bakurikirane urwo rutoke nivyaba ngombwa ko baruca bazoruca”.

Kumvo z’isanganya yakoze ntiyashoboye kugaragara mu rukino rw’indwi ya 26 rwahuje Inter Star na Flambeau du centre , icegera ciwe AJB niwe yaciye amukorera mu ngata aba nk’umumenyereza mukuru w’umugwi wa Flambeau du centre.

Mukamenya y’uko urwo rukino rwahuje Inter Star na Flambeau du centre rwarangiye iyo migwi inganije igitsindo 1-1.

Facebook Comments

Most Popular

Rwa rukurikirane rwa Mkomboz ngo rwamaze kurangira

https://www.youtube.com/watch?v=UqPwmg6YQQY Za ndirimbo zibwa muri Tanzania, zishobora kuba zamaze kuboneka. Igituma nuko umuririmvyi Nzeyimana Thomas benshi bazi nka Mkomboz abicishije ku rubuga rwiwe rwa Facebook...

Preeze 36 yajanye n’umuryango kwunamira umuvyeyi wiwe “Nahigejeje Wenga Emile”

https://www.youtube.com/watch?v=REgC5_uiUqM Preeze 36 uno musi niho yaja kwunamira umuvyeyi wiwe yabuze atanga, nkuko amashusho yabashije gusangiza abamukurikirana ku rubuga rwa Whatsapp  amwerekana ari ku ntatemwa...

Diamond yagavye Tsh 100,000,000 ayaha aba Motard 1000

https://www.youtube.com/watch?v=WQtmaXoJaK0 Nasibu Abdoul Juma benshi bazi nka Diamond Platnumz yaraye yinjirije 100,000,000 z’amafaranga yo muri Tanzania aba Motard 1000 yaguriye igitoro ama litiro 10 y’ubuntu. Ico...

Umugwi ndangakaranga AMAGABA ugiye guserukira igisagara ca Bujumbura ku murwa mukuru wa Poritike

Inyuma yaho umugwi ndangakaranga Amagaba babaye aba mbere mu migwi cumi ivuza umurisho w’ingoma i Bujumbura ngo bagiye guserukira igisagara ca Bujumbura muntara ya...

Facebook Comments