Home Health Abirabure ngo nibo bariko bicwa cane na Coronavirus muri Amerika

Abirabure ngo nibo bariko bicwa cane na Coronavirus muri Amerika

Abirabure b’abanyamerika – Afro-americain- nibo benshi bariko barahitanwa n’ikiza ca COVID19 muri ico gihugu kiza mu kibanza ca 1 mu bihugu birimwo abantu benshi bamaze gufatwa n’iyo ngwara, kandi kikaba n’ica mbere kirimwo abantu benshi banahitanwa nayo.

Ibiharuro vyerekanywe n’abajejwe amagara y’abantu muri Leta ya Illinois vyerekana ko 40% b’abariko bitaba Imana ari abirabure, mu gihe bari musi ya 15% muri iyo Leta. Ivyo nyene nivyo biboneka muri Michigan na Louisiane aho 60% y’abitaba Imana kubera ico kiza ari abirabure. Ibiharuro bikaba biteye ubwoba mu gihe ari ama Leta amwe amwe amaze gushira ahabona ibiharuro vyabo.

Ubwo busumbasumbane mu gitigiri c’abitaba Imana bukaba bumaze kwemezwa no mu biro vy’umukuru w’igihugu Donald Trump, aho bavuga ko ari ikintu bariko barigako kugira barabe uburyo vyohinduka. Bakavuga ko bariko bararondera uburyo bafasha izo Community z’abirabure muri ico gihugu.

Umuganga yayaze na France 24 yemeza ko muri ico gihugu abirabure n’abazungu badafashwe kumwe haba mu bijanye n’ubuzima busanzwe, co kimwe n’uburyo bivuza, ari naco gituma biboneka ko muri kino gihe bariko bakorwako cane na kino kiza, gusumba abazungu.

Ukwo guhona bukebuke kuboneka muri abo birabure kukaba kuva mu bintu vyinshi birimwo ko ubuzi bakora ari ubuzi butuma badashobora kuguma mu mazu muri kino gihe, kuko aribo bakenewe cane gusumba abandi. Ikindi nuko abo birabure badashobora kwivuza kuko ata bwishingizi bwo kwa muganga abenshi bafise, n’ubwo bafise bukaba butabafasha kwivuza nkuko bikwiye. Ikindi umuhinga muvya Histoire yavuze nuko abirabure muri amerika Aribo bafise ingwara zikomakomeye nkaza Diabete, imitima n’ibindi, izo nazo abazigwaye abakaba aribo baza imbere mu bahitanwa n’ico kiza.

Kubera ico kibazo c’uko abirabure baza mu kibanza ca mbere mu bariko bahitanwa n’ico kiza, ishirahamwe ryiyemeje guharanira agateka k’inkehwa muri ico gihugu ryasavye abajejwe amagara y’abantu mu ma leta ko boshira ahabona ibiharura ku vyerekana neza uko abantu bariko bapimwa co kimwe n’uburyo bariko bakingirwa.

Tubibutsa ko gushika ubu abantu barenga 2.000.000 bamaze gufatwa n’ico kiza, abarenga 300.000 bakaba babarizwa muri Leta zunze ubumwe za Amerika. Ico gihugu nyene kikaba ari naco gifise abamaze guhitanwa n’ico kiza benshi kuko mu 134.669 bamaze guhitanwa nayo barenga 28,554

Facebook Comments

Most Popular

Imyambaro ishika ku 500 yanditsweko Saidi Ntibazonkiza igiye gushirwa ahabona

  Uwusanzwe ari umuvugizi wa Yang Africans Antonio Nugaz yavuze y’uko umukinyi w’umurundi Saidi Ntibazonkiza agiye kwitegurirwa bimwe bikomeye. Mu kiganiro yakoranye n’imwe mu mboneshakure yo...

Breaking news: Papa Bouba Diop wa Sénegal yaraye aryamiye ukoboko kw’abagabo

Uwatsinze igitsindo ca mbere mu gikombe c’isi c’umwaka wa 2002 agitsinze Ubufaransa aho Senegal yatsinze igitsindo 1-0 , Papa Bouba Diop yaraye aryamiye...

PLB : Uku niko imigwi igiye guhura kundwi ya 12

  Inyuma y’aho inkino za CAF Champions league hamwe na CAF conféderation Cup zirangiriye mu mpera zindwi iheze aho imigwi yacu yari yaserukiwe na Messager...

Diaspora News: Abahamagarira kwitaba inama yo kurabira hamwe igituma baguma bagandagurwa

Mu butumwa aheruka kurungikira ubuserukizi bw’ibihugu vya Afrika buri mu gihugu c’Uburusiya, umuserukizi w’Uburundi muri ico gihugu Edouard Bizimana abahamagarira kwunga urunani maze biyamirize...

Facebook Comments