Home homepage Judo : Inama zibiri nizo zakoranije abegwa na Judo

Judo : Inama zibiri nizo zakoranije abegwa na Judo

Kuri uyu w’imana kw’igenekerezo rya 29 Ntwarante 2020, haratunganijwe inama zibiri mw’ishirahamwe rya Judo mu Burundi mu nyubakwa za dojo national iri iruhande y’ikibuga citiriwe Intwari.

Imirwi 47 ivuye mu ntara zitandukanye niyo yitavye iyo nama ya bose nkuko vyashikirijwe n’uwurongoye ishirahamwe rya Judo mu Burundi umushingantahe Valéry Manirakiza.

Iyo nama ikaba yari mu mice ibiri :

Inama ya mbere ,yarisanzwe, ico bita mu gifaransa :”assemblée ordinaire” ikaba yarijanye n’ukwiga amategeko agiye kugenga iryo shirahamwe , irindi tegeko ryizwe n’irijejwe amatora ico bita mu rurimi rw’igifaransa Statut et code électoral, ikindi naco barabiye hamwe uko umwaka w’inkino wabo wagenze muri rusangi mu bijanye n’intwaro, ubuhinga hamwe no mu gisata c’ubutunzi aho umwe umwe mu barongoye ivyo bisata yasiguye uko vyagenze , mbere abari muriyo nama bari bafise uburenganzira bwo kubaza.

Mu yundi muce w’inama idasanzwe bita mu gifaransa :”assemblée extraordinaire” barabiye hamwe amategeko mashasha agiye kugenga urwo rukino rwa Judo. Valéry Manirakiza akaba yamenyesheje ko amategeko agenda ahinduka ku rwego rw’isi , ngo kuko ayo bahora bakoresha arayo muri 2009, ati rero bunguranye ubwenge mbere bongera barahanahana ivyiyumviro.

Mu mategeko mashasha, bize ukungene mu gihe habaye ikibazo mw’ishirahamwe bocigira hamwe .Ica nyuma nuko bongeyemwo mu nama nshingwabikorwa ya Judo mu Burundi uwuserukira abakinyi hamwe n’uwuserukira abakenyezi ngo kanatsinda abakenyezi bitwara neza muri urwo rukino.

Mwomenya yuko abakenyezi muri iyo nama nshingwabikorwa ya Judo  bangana ibice 30 kw’ijana.

Tubibutse yuko batunganije ivyo bikorwa ku bufadikane n’urwego rujejwe amashirahamwe y’inkino mu Burundi CNO hamwe n’ubuserukizi bw’ubufaransa mu Burundi.

Facebook Comments

Most Popular

Umugwi Musongati Fc washitse neza i Lusaka muri Zambia

  Umugwi Musongati Fc wo mu ntara ya Gitega waserukiye Uburundi mu mahiganwa ya CAF Confederation Cup waraye ushitse neza i Lusaka mu gihugu ca...

PLB : Uku niko imigwi izohura kundwi ya 13

  Kuri uyu wa gatandatu igenekerezo rya 05 na 06 Kigarama 2020, ihiganwa ryo mu cicaro ca mbere mu Burundi Primus league rizobandanya kundwi yaryo...

Olivier Niyungeko niwe yatahukanye agashimwe k’umumenyereza w’ukwezi kwa Munyonyo

  Ata gukekeranya umumenyereza w’umugwi Vital’o Fc akongera akaba icegera c’umumenyereza w’intamba mu rugamba Alain Olivier Niyingeko niwe yatahukanye agashimwe gasanzwe gatangwa na BCM Burundi...

Ahamagarira abana kwiga urukino rwa Karaté

Mu bihe vy’ibiruhuko abamenyereza mu nkino zitandukanye baratunganya ivyirwa ku bana baba bari mu karuhuko, nko mu nkino za Football, na Basketball hamwe na...

Facebook Comments