Home football Jumaine ngo ukunganya na Vital'o Fc nta cizere vyamuhaye

Jumaine ngo ukunganya na Vital’o Fc nta cizere vyamuhaye

Mugihe umugwi wa Musongati wari wanganirije i Bujumbura 0-0 n’umugwi wa Vital’o Fc mu rukino rw’igice ca kane gishira icanyuma c’igikombe c’Umukuru w’igihugu umumenyereza wa Musongati Fc Niyonkuru Jumaine yagize ico ashikiriza abamenyeshamakuru.

Ari kuri micro ya Indundi TV yavuze y’uko kunganya n’umugwi wa Vital’o Fc 0-0 i Bujumbura bitamuhaye icizere bivanye n’uko mu gihe yonganya igitsindo 1-1 na Vital’o bishobora gutuma asezererwa, akaba yagize ati :

” Ubu tunganije ngaha 0-0 kuri jewe ntibimpaye icizere bivanye n’uko i Gitega tunganije igitsindo 1-1 dushobora gusezererwa vyose mu mupira birashoboka”

Abajijwe ico yoba yabuze kugira atahukane intsinzi, Jumaine akaba yishuye y’uko ata kintu na kimwe babuze kuko hatabaye amakosa ngo nta gitsindo cokwinjira.

“Nta nakimwe twabuze kugira dutahukane intsinzi kuko hatabaye amakosa nta gitsindo cokwinjira Vital’o Fc ni umugwi ukomeye si umugwi woja gukina nawo uce uvuga y’uko ugiye kuwutsinda oya ni umugwi waje gukina uzi abo uhuye nabo n’ingene utegerezwa kubacunga kandi yabikoze’’.

Jumaine akaba ari umwe mu bamenyereza beza bariko barigaragaza mw’ihiganwa rya Primus league Burundi ndetse n’inkino zitiriwe igikombe c’Umukuru w’igihugu.

Facebook Comments

Most Popular

Education : Bazindutse bugariza ishure

Abavyeyi barereye kw’ishure ryitiriwe inyenyeri riri i Maramvya muri komine Mutimbuzi intara ya Bujumbura, bazindutse kuri uyu wa gatanu bugariza iryo shure. Abo bavyeyi...

Abibaza ko coronavirus yaheze ngo ni ukwihenda cane.

Muri ino minsi haribonekeza ukudebukirwa mu kwikingira coronavirus, aho abantu badatinya gukoranako mu kuramukanya, mu kutubahiriza imetero hagati y'umuntu n'uwundi nayo gukaraba vyo vyabaye...

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Umukuru w’igihugu Evariste Ndayishimiye n’umutambukanyi wiwe bashitse amarembe i Libreville

Umukuru w’igihugu c’Uburundi Evariste Ndayishimiye ari kumwe n’umutambukanyi wiwe Angéline Ndayishimiye bashitse impore amarembe i Libreville ku murwa mukuru w’igihugu ca Gabon aho bagiye...

Facebook Comments