Home Health Ikena ry’udukingirizo rishobora guhangayisha isi gusumba CORONA VIRUS

Ikena ry’udukingirizo rishobora guhangayisha isi gusumba CORONA VIRUS

Hampande yuko isi iriko irabura abantu ku bwinshi kubera ikiza ca Corona Virus kiriko kiratema gitongora muri kino gihe, isi ishobora kugira ikindi kibazo gikomeye mu misi ya vuba nkuko ONU ibishikiriza.

Ico kindi kibazo isi ishobora guhura nayo vuba cane ngo n’ibura ry’udukingirizo, kandi aho kw’isi hose naho bavuga ko ibihugu bikenye ngo arivyo bishobora gukorwako cane gusumba ibihugu bitunze. Utwo dukingirizo ngo tukaba tuzozimba cane ku masoko.

Imvo n’imvano ngo n’uko uno musi abantu basabwa kuguma mu mazu kubera ico kiza, amahinguriro atandukanye kw’isi akaba asa nkaho yugaye, gutyo bigatuma abadukenera baba benshi, ariko udukorwa tukaba duke, bigaca bituma utwo dukingirizo duca tuzimba gusumba.

Amahinguriro adukora amwe amwe akaba avuga ko umukozi 1 kuri 2 ariwe asigaye akora, gutyo bigaca bituma umwimbu utaba ushimishije ku buryo abantu bose babasha gukwirwa n’utwo baba bakoze. Ariko naho biruko amahigwe akaba ahari kuko ubushinwa busa nkaho bwasubiriye kuvyuka, gutyo ngo bishobora guca bituma bongereza inguvu ngo hakorwe twinshi dushoboka.

Ivyo rero bikaba bishobora kuzotuma ingwara zifatira mu bihimba vy’irondoka zigwira cane, s’ico gusa kuko ngo n’inda zitipfujwe nazo zishobora kuba nyinshi bigatuma noneho abazikuramwo nabo babandanya kwiyongera, na rirya ubu baba bari mu rugo.

Aho inyuma mu gihugu kibanyi c’Urwanda bo bakaba batanguye gusaba imiryango kuba maso kugira ntihaze haboneke inda zitipfujwe kuko bagumana ari umuryango muri kino gihe bariko binjira mu ndwi ya 4 basabwe kuguma mu mazu yabo ntibasohoke.

Ivyo bikaba biriko bishika mu gihe ico kiza kimaze guhitana abarenga 100.000 nayo abarenga 1.700.000 bamaze gufatwa n’ico kiza kw’isi yose.

Facebook Comments

Most Popular

Imyambaro ishika ku 500 yanditsweko Saidi Ntibazonkiza igiye gushirwa ahabona

  Uwusanzwe ari umuvugizi wa Yang Africans Antonio Nugaz yavuze y’uko umukinyi w’umurundi Saidi Ntibazonkiza agiye kwitegurirwa bimwe bikomeye. Mu kiganiro yakoranye n’imwe mu mboneshakure yo...

Breaking news: Papa Bouba Diop wa Sénegal yaraye aryamiye ukoboko kw’abagabo

Uwatsinze igitsindo ca mbere mu gikombe c’isi c’umwaka wa 2002 agitsinze Ubufaransa aho Senegal yatsinze igitsindo 1-0 , Papa Bouba Diop yaraye aryamiye...

PLB : Uku niko imigwi igiye guhura kundwi ya 12

  Inyuma y’aho inkino za CAF Champions league hamwe na CAF conféderation Cup zirangiriye mu mpera zindwi iheze aho imigwi yacu yari yaserukiwe na Messager...

Diaspora News: Abahamagarira kwitaba inama yo kurabira hamwe igituma baguma bagandagurwa

Mu butumwa aheruka kurungikira ubuserukizi bw’ibihugu vya Afrika buri mu gihugu c’Uburusiya, umuserukizi w’Uburundi muri ico gihugu Edouard Bizimana abahamagarira kwunga urunani maze biyamirize...

Facebook Comments