Home Burundi Ijambo ridasanzwe Denise Nkurunziza yashikirije mu gusezera ubwanyuma Perezida Nkurunziza

Ijambo ridasanzwe Denise Nkurunziza yashikirije mu gusezera ubwanyuma Perezida Nkurunziza

Umupfasoni Denise Nkurunziza asizwe n’umuhisi Perezida Pierre Nkurunziza yahoze arongoye Uburundi yagize inkomezi zo kuvuga ijambo mu kumusezera ubwa nyuma mu kibuga Ingoma c’i Gitega, avuga ko umugabo wiwe aherekejwe n’imirimo myiza yakoze.

Ku kibuga ingoma cuzuye abantu ibihumbi, umushikiranganji wa mbere wa Tanzania Kassim Majaliwa eka n’umutambukanyi wa perezida wa Zambia mu bashitsi bakuru, Denise Bucumi Nkurunziza yabashije kugira ico ashikirije kubw’umuryango wa nyakwigendera.

Yavuze mw’ijambo ryiwe ati “Ni ugukengurukira Imana ku gitangaza yadukoreye inyuma y’uko tubuze, ubwanje umukunzi, abana bakabura umuvyeyi”.

Yashimye Imana ko yabahaye inkomezi kuko ari igitangaza mu bihe bigoye nk’ivyo barimwo.
Ati: “Kubura umuntu mu mwanya mutoya wari ugikunze kubana nawe ntibiba vyoroshe, ariko mu muryango Imana yaduhaye inkomezi zo guhagarara muri bino bihe”.

Yashingiye ku majambo yo muri Bibiliya avuga aho bakuye inkomezi, avuga ko iki cari igihe ciwe co kugenda akaba mbere asaba buri wese gutegura nawe igihe ciwe. Imirimo myiza
Umupfasoni Nkurunziza yasubiyemwo amajambo yavuzwe na Perezida Pierre Nkurunziza ati:

“Yakunze kuvuga ko ikibi atari ugupfa ahubwo ari ugupfira igihugu nabi umuryango ukawupfira nabi”.
Ati: “Nimureke dushime Imana kuko agiye atigeze aduhemukira kandi ntiyahemukiye n’igihugu, kuko iyo ahemukira igihugu twari kuba hano ariko kandi tumaramaye…”.

Umupfasoni Nkurunziza yavuze ati: “Ikindi dushimira Imana nuko arangije amahoro, atapfuye urupfu rw’agashinyaguro…ikindi naco yapfiriye mu mwami, yarangije neza”.

Yavuze ko umuhisi Perezida  Nkurunziza yakoze ibikorwa vyiza vyinshi bimuherekeje, eka mbere ko yagize n’urupfu mu mahoro.

Facebook Comments

Most Popular

Rwa rukurikirane rwa Mkomboz ngo rwamaze kurangira

https://www.youtube.com/watch?v=UqPwmg6YQQY Za ndirimbo zibwa muri Tanzania, zishobora kuba zamaze kuboneka. Igituma nuko umuririmvyi Nzeyimana Thomas benshi bazi nka Mkomboz abicishije ku rubuga rwiwe rwa Facebook...

Preeze 36 yajanye n’umuryango kwunamira umuvyeyi wiwe “Nahigejeje Wenga Emile”

https://www.youtube.com/watch?v=REgC5_uiUqM Preeze 36 uno musi niho yaja kwunamira umuvyeyi wiwe yabuze atanga, nkuko amashusho yabashije gusangiza abamukurikirana ku rubuga rwa Whatsapp  amwerekana ari ku ntatemwa...

Diamond yagavye Tsh 100,000,000 ayaha aba Motard 1000

https://www.youtube.com/watch?v=WQtmaXoJaK0 Nasibu Abdoul Juma benshi bazi nka Diamond Platnumz yaraye yinjirije 100,000,000 z’amafaranga yo muri Tanzania aba Motard 1000 yaguriye igitoro ama litiro 10 y’ubuntu. Ico...

Umugwi ndangakaranga AMAGABA ugiye guserukira igisagara ca Bujumbura ku murwa mukuru wa Poritike

Inyuma yaho umugwi ndangakaranga Amagaba babaye aba mbere mu migwi cumi ivuza umurisho w’ingoma i Bujumbura ngo bagiye guserukira igisagara ca Bujumbura muntara ya...

Facebook Comments