Home Burundi Urwevu: Bivemwo imbere y'uko "uvamwo"!

Urwevu: Bivemwo imbere y’uko “uvamwo”!

 

Isanamu ngereranyo y’umuntu ariko ariyumvira uko yobivamwo.

Mw’ijambo “igicumuro” ndumvamwo ijambo “icumu”. Iyo ucumuye rero, ni nk’uko uba ucumise. Uwo mucumuranye burya muba mucumitanye! Muba musamburanye. Muba mumongoranye amubi y’agaciro” ubuntu”.( la dignité)

Uba uhomvye cane. Mbere uba uteye ikigongwe. Uca umera nk’uruyuki rutakigira uruboyi. Umuyinga. Mu gihe wahora ubaho ataco wiyotsa, uca utangura kugenda ukebaguzwa mu buryo bw’impwemu wikeka ngo hari uwobimenya.

Uca usigara wiyotsa kandi wahora ugenda ataco wiyotsa. Uca utambuka wumva uhwahutse nk’umuguruka, kandi kare na kare wahora umeze nk’ibuye rishigikiye infuruka.

Ucumuye uba ucumise umuntu. Uba ucumise wewe nyene. Uba wicumise. Uwugutumye gucumura,  aba aguhombeje; aba asa n’uwukurimaguje agafuni mu mugongo. Aba aguciye ibihengeri.

Uravye nabi ngo ntuce wivyukiranya ngo ubivemwo, abandi baraheza bagaca muri nya bihengeri nyene, bagaheza nabo bakaza kwiyamurira. Uravye nabi usigara umeze nk’uruboga ruteye kw’ibarabara;  rwamurwa n’abahita; akarago k’abaraye.

Uko baca mu bihengeri ari benshi niko inzitiro zose ziteba zikagusambukirako , gutyo buhoro buhoro ukazosanga usigaye  ku kangaratete, hamwe n’ingurube ziyerereza zitokugera umutwe( mu buryi bw’impwemu).

Umanika agatu wicaye , mu kukamanura ugahakuruka. Vyoroshe kujamwo, ntivyoroshe kuvawo.

Utivyukiranije ngo ubivemwo hakiri kare, ukome akaruru , ukirize ibiganza ngo abantu bakudwiburure muri iyo nyenga uriko ujamwo, bizohava bikubana amahanga,bikubane imisozi, uhave uhereza guhitamwo ukwoga amamanuka, ariyo majo, amazimayongo!

BIVEMWO IMBERE YUKO ‘UVAMWO’!

 

Facebook Comments

Most Popular

Diaspora News: Asaba gushigikirwa mw’ihiganwa arimwo rya China Africa cooperation

Umurundikazi Hakizimana Alexia aba mu gihugu c’Ubushinwa  ari mwihiganwa ryitiriwe «China Africa cooperation » arasaba abarundi kumushigikira kugira arabe ko yotahukana iryo higanwa. Kumuha amahirwe...

Rwa rukurikirane rwa Mkomboz ngo rwamaze kurangira

https://www.youtube.com/watch?v=UqPwmg6YQQY Za ndirimbo zibwa muri Tanzania, zishobora kuba zamaze kuboneka. Igituma nuko umuririmvyi Nzeyimana Thomas benshi bazi nka Mkomboz abicishije ku rubuga rwiwe rwa Facebook...

Preeze 36 yajanye n’umuryango kwunamira umuvyeyi wiwe “Nahigejeje Wenga Emile”

https://www.youtube.com/watch?v=REgC5_uiUqM Preeze 36 uno musi niho yaja kwunamira umuvyeyi wiwe yabuze atanga, nkuko amashusho yabashije gusangiza abamukurikirana ku rubuga rwa Whatsapp  amwerekana ari ku ntatemwa...

Diamond yagavye Tsh 100,000,000 ayaha aba Motard 1000

https://www.youtube.com/watch?v=WQtmaXoJaK0 Nasibu Abdoul Juma benshi bazi nka Diamond Platnumz yaraye yinjirije 100,000,000 z’amafaranga yo muri Tanzania aba Motard 1000 yaguriye igitoro ama litiro 10 y’ubuntu. Ico...

Facebook Comments