Home Burundi Ninde uwahawe ubushikiranganji bw'inkino,urwaruka n'imicokama?

Ninde uwahawe ubushikiranganji bw’inkino,urwaruka n’imicokama?

Iki ni kimwe muri vyinshi vyibajijweko igihe hamenyekana urutonde rw’abashikiranganji bashasha cumi na batanu baheruka kugenwa muri leta y’u Burundi irongowe na nyenicubahiro umukuru w’igihugu c’ u Burundi General major Evariste Ndayishimiye.

 


Izina rya Ambassadeur Ezéchiel Nibigira yahora aramutswa ubushikiranganji bw’imigenderanire y’u Burundi n’ayandi makungu kuva kw’igenekerezo rya 19 Ndamukiza 2018 ni ryo ryizewe  rihabwa ubushikiranganji bw’inkino urwaruka n’Imicokama, rikaba na rimwe mu mazina yagarutse muri leta nshasha.

Uwo mushikiranganji twavuze ari muri batanu bagarukanywe muri leta nshasha mugihe abandi cumi bagenywe ari bashasha muri ayo mabanga.
Ambassadeur Ezéchiel Nibigira akaba yagenywe mu mabanga adasanzwe kuko ubushikiranganji atwara burimwo ibisata nk’iyinjira ry’u Burundi mu karere ka Afrika y’ubuseruko (East Africa),ubw’inkino ,ubw’imicokama n’urwaruka .

Uwo mushikiranganji akaba yavukiye mu ntara ya Bujumbura kw’igenekerezo rya 10 Rusama umwaka 1971, mbere akaba yarigeze gutorwa mu bashingamateka b’iyo ntara.
Nibigira akaba yarigeze gutwara ambassade y’u Burundi muri Kenya.

Ambassadeur Ezéchiel Nibigira akaba yize Kaminuza yitiriwe umwizero wa Africa bita mururimi rw’ikinyamazuru Université Espoir d’Afrique .

Benshi baremeza ko amabanga agiyemwo azoyashobora kuko yigeze kuba ajejwe igisata c’urwaruka mu mugambwe yamukamwo.

Indundi sports imwifurije kuroranirwa murayo mabanga mashasha aheruka guhabwa n’igihugu.

Facebook Comments

Most Popular

Itegeko rigenga itunganywa gushasha ry’intwaro mu gihugu ryatowe

Ukujaho kw'umunyamabanga ntayegayezwa arenga umwe mu bushikiranganji hamwe n'uko igisagara ca Bujumbura cotunganywa co kimwe n'izindi ntara, ni bimwe mu biri  mu nteguro y'ibwirizwa...

Menya ivyo Bain Turo asaba Big Fizzo na Sat-B

Umuririmvyi Bain Turo arasaba ko abaririmvyi batobato bahurikiye muma Label atandukanye batorererwa murwanko nkuko bakuze arirwo rukunze kuvugwa. Abicishije mukiganiro yakoranye na Indundi Tv ni...

Education : Birabujijwe kwiga incuro 3 mw’ishure rimwe

Kirazira kikaziririzwa ko umunyeshure yiga mu mashure y’intango ko ashobora kwiga incuro zitatu mw’ishure rimwe (triplement), kiretse hari insiguro ziboneka ziheza zigahurizwako n’abajejwe iryo...

BCM : Jumaine niwe yatsindiye agashimwe k‘ukwezi kw’i 9

Nk’uko bizwi buri kwezi abakunzi b'inkino bahurikiye mu mugwi BCM Burundi bahora batanga agashimwe buri ukwezi k'umumenyereza yama yitwaye neza mu nkino 4 ziheruka...

Facebook Comments