Home kirundi Urwevu: Guma ubega uzoteba ushike aho ushaka.( Ahari inkozo)

Urwevu: Guma ubega uzoteba ushike aho ushaka.( Ahari inkozo)

 

Isanamu ngereranyo y’umu aguma yiyumvira uko yobivamwo.

Ugasanga rero hari abantu amaso yabo yama yihutira kubona ibitagenda. Iyo ikirahuri gicagatiye, bobo baraheza bakibonera igihande kigaragara, ntibashake kwerekwa igihande kirimwo  amazi. Umubajije araheza akakubwira ko abona ikirahuri kigaragara igice, ah’ukubona ikirahuri cuzuye igice.

Ico kinyamubiri rero bacita ko ari ikinyamubiri  c’ukudashima( Forteresse d’ingratitude).

Iyo ufise ico kinyamubiri rero uraheza ukama wamana imyidogo. Ntikigukundira ko ubona ivyiza Imana yaguhaye, kiguma kikwereka ivyo nyabuna ngo udafise.

Abatewe n’iyo ngwara uraheza ugasanga ari abantu batagira amaragamo. Bamera nk’abantu batazi ivyo bo nyene bashaka. Iyo batanguye ikintu baraheza bakagicira hagati. Ikintu cose batanguye, bagize ngo barateye imbere baraheza bagaca babonamwo ivyo bobo bita ingorane maze gutyo bagaheza bagaca batererana hasi.

N’iyo bubatse izabo ni uko nyene. Bamaranye imisi, baraheza bagaca bihutira guhengamikira amaso yabo ku gihande kirimwo ibitagenda neza vy’abo bubakanye nk’uko umengo data har’ivyoba vyera ngo de!

imyidogo ku yindi dogiri dogiri, maze kenshi  hagateba hakaza ivyo rero bise ngo  ni uguca akenge, gutyo inyana zigaca zitangura  guca ibiziriko ,zikarenga imirambi zirenguka data ngo zirondera ahoba ingomero yozimara inyota.

Izigize Imana ziruhira kugaruka mu ruhongore, iyo zisanze ingomero nshasha zuzuye ivyunyunyu bikata, bigamye,binyinyira. Nayo muri ubwo bwangare, hari n’iziruhira kuhahongokera amenyo, zikazozoruhira kugenda amazimayongo zijanya ibinyigishi gusa.

Abahinga bavuga bati ”ntukorendere iciza mu bintu vyinshi, rondera nyabura ivyiza vyinshi  mu kintu kimwe”.( kandi burya biba biriyo, iyo witonze)

Dawe nakuze ancira umugati ati mwananje,” Nta yimba ngo  ibure ivu”!

LA DIGNITE!!!!

N.B Muri psaume 10 niho ngo bavugamwo ico kinyamubiri( Restless spirit). Urayikoresha nimba kikubangamiye.

Facebook Comments

Most Popular

Ibanki BIJE ngo igiye gutangura gutanga ingurane ku rwaruka

Ibanki y’Urwaruka BIJE (Banque d’Investissement pour les Jeunes) ngo igiye gutangura gutanga ingurane ku rwaruka. Ni ivyaraye bishikirijwe n’umushikirangaji ajejwe urwaruka, imico n’akaranga i Gitega...

Culture : Baraye batahukanye ikibanza ca mbere

Umurwi w’abavuza ingoma «Amagaba » wari waserukiye igisagara ca Bujumbura niwo waraye utahukanye ikibanza ca mbere. Hari i Gitega ku murwa mukuru wa poritike neza na...

Yaoundé ngo ntacobuza ko Saidi Ntibazonkiza yoshikana imyaka 40 ariko arakina

  Mu gihe umugwi w’intamba mu rugamba wari uhejeje kwirahira Mauritania ibitsindo 3-1 , umumenyereza Kanyenkore Jean Gibert Yaoundé  yarashimishijwe cane n’ingene Saidi Ntibazonkiza yavyifashemwo...

Umuganga w’umuhisi yatanguye kugirirwa amatohoza

Kuri uyu wa mbere waraye uheze igenekerezo rya 30 Munyonyo 2020, abajejwe gutanga ibirego mu gihugu ca Argentine batanguye kugirira amatohoza umuganga w’umuhisi Diego...

Facebook Comments