Home abakinyi bakina hanze # Indundi Sports | Abakinyi ba Messager Ngozi bahawe akabahasha

# Indundi Sports | Abakinyi ba Messager Ngozi bahawe akabahasha

Nkuko vyashikirijwe n’uwurongoye igisata co kumenyekanisha amakuru mw’ishure le Messager Elysée Niyubahwe , kuri uyu wa kabiri igenekerezo rya 11 Myandagaro 2020, uwurongoye academie le Messager yari yagiraniye umubonano n’abakinyi hamwe n’abarongoye umugwi Messager Ngozi mu nyubakwa za Zoom Hall mu gisagara ca Ngozi .

Honorable Hatungimana Athanase batazira Cokoloko aramutswa ishure ry’umupira w’amaguru le Messager , yavuze ko yari yaje kubahumuriza inyuma yo kubura umuvyeyi wa Messager , Nyakwigendera Petero Nkurunziza . Akaba yashoboye kubashimira arongera aranabakeza cane kubona barifshe mu bihe bitoroshe bagirako baranatahukana igikombe c’ihiganwa .

Yasubiye kandi aranabizeza ko naho umuvyeyi atakihari , borema kuko ibikorwa bizobandanya nkuko vyahora . Yaciye abasaba ko aho bukera boja Ku kivi bagatangura imyimenyerezo ndetse bagasubira gutera iteka le Messager mu gutahukana ikindi gikombe .

Ku bijanye n’abakinyi baronderwa n’iyindi migwi , Athanase Hatungimana yavuze ko imiryango yuguruye , ata nzitizi n’imwe ihari. Ikindi cokoloko yashikirije ni uko hagiye kuba indinganizo nshasha muri Messager Ngozi no muri Academie le Messager muri rusangi. Iyo ndinganizo nshasha akaba ari nayo izoca ikora ibikorwa vyihutirwa harimwo no kwubaka imigwi gushasha .

Umumenyereza mukuru wa Messager Ngozi Jimmy Ndayizeye yavuze ko imyimenyerezo izotangura Ku musi wa mbere igenekerezo rya 17/08/2020.

Umushingamateka Hatungimana Athanase akaba yaboneyeho no gutanga akaryo ku bakinyi ko kwunamira umuhisi no kumusabira uburuhukiro bwiza.

Mwomenya ko mu ntumbero yo gukeza abakinyi ku gikombe Messager Ngozi yatahukanye , buri umukinyi  yaronkejwe ibahasha ry’amafaranga y’amarundi agera Ku bihumbi amajana abiri ( 200,000 Fb).

Facebook Comments

Most Popular

Diaspora News: Asaba gushigikirwa mw’ihiganwa arimwo rya China Africa cooperation

Umurundikazi Hakizimana Alexia aba mu gihugu c’Ubushinwa  ari mwihiganwa ryitiriwe «China Africa cooperation » arasaba abarundi kumushigikira kugira arabe ko yotahukana iryo higanwa. Kumuha amahirwe...

Rwa rukurikirane rwa Mkomboz ngo rwamaze kurangira

https://www.youtube.com/watch?v=UqPwmg6YQQY Za ndirimbo zibwa muri Tanzania, zishobora kuba zamaze kuboneka. Igituma nuko umuririmvyi Nzeyimana Thomas benshi bazi nka Mkomboz abicishije ku rubuga rwiwe rwa Facebook...

Preeze 36 yajanye n’umuryango kwunamira umuvyeyi wiwe “Nahigejeje Wenga Emile”

https://www.youtube.com/watch?v=REgC5_uiUqM Preeze 36 uno musi niho yaja kwunamira umuvyeyi wiwe yabuze atanga, nkuko amashusho yabashije gusangiza abamukurikirana ku rubuga rwa Whatsapp  amwerekana ari ku ntatemwa...

Diamond yagavye Tsh 100,000,000 ayaha aba Motard 1000

https://www.youtube.com/watch?v=WQtmaXoJaK0 Nasibu Abdoul Juma benshi bazi nka Diamond Platnumz yaraye yinjirije 100,000,000 z’amafaranga yo muri Tanzania aba Motard 1000 yaguriye igitoro ama litiro 10 y’ubuntu. Ico...

Facebook Comments