Home Uncategorized Assurance: Ukuboko gutanga kwama ari kugufi ugereranije n'ukuboko kwakira.

Assurance: Ukuboko gutanga kwama ari kugufi ugereranije n’ukuboko kwakira.

Abantu rero ugasanga tuguma twidogera amashirahamwe y’ubwishingizi( Compagnies d’Assurances) ngo babatwara amafaranga. Abafise iminwa yoroshe mbere hari n’abadatinya kuvuga ko amsahirahamwe y’ubwishingizi ari abasuma.

Ivyp bifatanye n’uko , muri kameremere zacu, icama hafi atari ukwumva ko hari ivyo twobazwa, nyabuna agatima kama hafi kaba ak’ukumva ko hari ivyo twobaza. Ukuboko k’ukwakira kurarehutse mu kiringo ukw’ugutanga kwazingamye.

Ivyo biza rero kuva muri ya kameremere ya muntu kuva akiri mutu, agaburirwa, aterurwa ku bibero, aregwa, acungwa, … maze akazoza gushika aho yumva ko hari ivyo nawe vyomubazwa yaramaze gukura, igihande kininiya carahengamiye mu guhabwa kurusha ugutanga.

Kubera iyo kameremere rero, iyo mpengamiro y’uburekerezi, abanyamategeko barahavye basanga ubwishingizi bumwe bumwe nk’ubujanye n’abafise imiduga igendera mu mabarabara bwoheza bukaba itegeko. Ni ukuvuga y’uko rero, mu gihe udafise ubwo bwishingizi uhanwa n’amategeko.

Iyo abantu rero bamwe bamwe bariko barariha amafaranga bategerezwa gutanga kugira ngo mu kiringo bagize isanganya, ayo mashirahamwe aheze abaserukeko mu kwiremeka imitwaro y’ivyo baba bononye, uraheza ugasanga bariko batanga ayo bidoga.

Yamara rero iyo hagize isanganya riba akonona ibintu , kenshi biratugora gufata n’akanya na gatoya ko twibuke ko rimwe na rimwe ivyonekaye bisaba amafaranga arenga kure n’ayo tumaze gutanga.

Ariko rero, ukwo kuboko kurekure na kugufi navyo biribonekeza mu mashirahamwe y’ubwishingizi amwe amwe aho , iyo umunywanyi agize ingorane, baheza bakamurimarika, bikazomara ikiringo kirekire cane, imbere y’uko bamugarukirako. Umuntu rero akazoheza akumira ku nzira , uko agize araza kubaza bakamubwira ngo arindire yamara ntibanamubwire n’igihe yogarukira.

Umwuga w’ubwishingizi uzogira akamaro n’akanovera ukuboko gutanga ni kwagerageza kungana n’ukwakira ku mpande zose.

Facebook Comments

Most Popular

Diaspora News: Asaba gushigikirwa mw’ihiganwa arimwo rya China Africa cooperation

Umurundikazi Hakizimana Alexia aba mu gihugu c’Ubushinwa  ari mwihiganwa ryitiriwe «China Africa cooperation » arasaba abarundi kumushigikira kugira arabe ko yotahukana iryo higanwa. Kumuha amahirwe...

Rwa rukurikirane rwa Mkomboz ngo rwamaze kurangira

https://www.youtube.com/watch?v=UqPwmg6YQQY Za ndirimbo zibwa muri Tanzania, zishobora kuba zamaze kuboneka. Igituma nuko umuririmvyi Nzeyimana Thomas benshi bazi nka Mkomboz abicishije ku rubuga rwiwe rwa Facebook...

Preeze 36 yajanye n’umuryango kwunamira umuvyeyi wiwe “Nahigejeje Wenga Emile”

https://www.youtube.com/watch?v=REgC5_uiUqM Preeze 36 uno musi niho yaja kwunamira umuvyeyi wiwe yabuze atanga, nkuko amashusho yabashije gusangiza abamukurikirana ku rubuga rwa Whatsapp  amwerekana ari ku ntatemwa...

Diamond yagavye Tsh 100,000,000 ayaha aba Motard 1000

https://www.youtube.com/watch?v=WQtmaXoJaK0 Nasibu Abdoul Juma benshi bazi nka Diamond Platnumz yaraye yinjirije 100,000,000 z’amafaranga yo muri Tanzania aba Motard 1000 yaguriye igitoro ama litiro 10 y’ubuntu. Ico...

Facebook Comments