Home kirundi Urwevu: Abansi bawe si barya wibaza. Barya ni ibitutu vyabo.

Urwevu: Abansi bawe si barya wibaza. Barya ni ibitutu vyabo.

Isanamu ngereranyo y’umuntu aguma yiyumvira uko yohindura ibintu.

Abansi tubonesha amaso ni ibitutu vy’abansi bacu mu buryo bw’ibishobisho. Ni ukubera mu bwoko bw’ibishobisho dufise haba harimwo ibishobisho vy’ivyansi vyacu. Uburyo rero bw’ukwihweza neza ubwoko bw’abansi b’ibishobisho dufise ni ukuraba ibidukikije.

Nta kintu na kimwe mu bigukikije vyaje atakibizanye. Vyose ni wewe nyene wabizanye. Vyaje bigana ibiri muri wewe.

Uburyo rero bw’ukurwanya abansi twibaza ngo turabona ni ukurwanya abansi bari muri twebwe. Igihambaye ku giti si amashami canke ivyamwa, ibihambaye ni imizi.

Iyo rero turondeye kuzimanganya  vy’abansi bacu( abo tubona) dukoresheje inguvu biba bibaye nk’ugusubiriza ibitutu vyacu ahari ibitutu vyano. Tuba tuguye mu mitego.

Duca dusigara tumeze nkabariko biraba mu vyirori. Noneho na vya bitutu twahora tubona bikatwibutsa ko dufise abansi, ntavyo tuba tukibonye kuko ibitutu vyabo biba vyasubiriwe n’ibitutu vyacu.

Iyo dutwenze, turabona tukibona mu cirori nk’abatwenze gutyo bigakumirira kure iciyumviro c’ukumenya ko hari abariko bararira kubera twebwe nyene.

Ubirabiye hafi, iyo urondeye kurwanya abansi bawe ukoresheje nk’inguvu canke ubundi buryo busa nk’ubwo, maze bikitwa kubatsinze muri ubwo buryo uraheza ugasanga amaherezo wahavuye uba umwansi wa wewe nyene. Uba wiyongerereje uruhumyi rw’umutima. Uba usa n’uwufuruye icobo gusa kizorwamwo abandi n’abawe hambavu.

Ni wama uzirikana kurondera inyishu z’ibikugora uhereye mu kwisuzuma, bizogufasha gutora inyishu be n’amahoro birama. Uzoheza uhere kuri wewe nyene. Uve harya abo bansi bagutera bagusanga, wimukire nko rugero rwo hejuru ya harya bari.

Gutyo, bazoza kukurondera hamwe hasi wahora, nawe ubarabe bagutere ikigongwe, uce urondera kuramvura ukuboko ubereke utugazi nawe waciyeko, ubafate ukuboko baduge bagusange aho uri mu mahoro.

Aho uzoba uri mu buryo bw’ibishobisho, uzoheza usange abakurondeye bose ari abanyamahoro.

Abo wita abansi bawe uwu musi, ni ibimenyetso vy’aho uhagaze mu buryo bw’impwemu. Ni kakubere akaryo k’ukurondera guhindura ibintu.

Ivyo biri gutyo ku rugero urwarirwa rwose. Uhereye ku muntu hagati ya we na we nyene, hanyuma, ku rugero rwa hagati yawe n’abandi.

 

 

 

 

.

 

Facebook Comments

Most Popular

Agriculture : Umwimbu urenga itoni 10 niwo wabonetse muri uyu mwaka

Itoni zirenga ibihumbi 10 niwo mwimbu w'icayi wabonetse mu mwaka w’2019 ushira uw’2020. Bishikirizwa n’uwurongoye ihinguriro ry'icayi OTB aho yabishikirije mu  nama yabereye mw'Ijenda muri...

Kabizi nawe yatewe n’abagizi ba nabi  nka Kigingi

https://www.youtube.com/watch?v=UqPwmg6YQQY&t=23s Uwundi yatewe n’abagizi ba nabi ni Kabizi l’eau Comedien, uwo nawe akaba yashikiriwe n’akaranda kariko kagwa ku vyamamare vy’abarundi basanzwe bafise imbuga ngurukanabumenyi zikurikiranwa...

Sada Nahimana ngo ntazi uko mu mwaka uza azitabira amahiganwa

https://www.youtube.com/watch?v=REgC5_uiUqM Sada Nahimana  ngo ntazi uko mu mwaka uza azobasha kwitabira amahiganwa y’urukino rwa Tennis , ivyo nivyo yashikirije mu kiganiro yagiranye n’ikinyamakuru BBC mu...

Abaforomakazi bo muri Ghana bafise ikibazo c’ukubura abagabo

https://www.youtube.com/watch?v=37rxy3pL9aE Abatari bake mu baforomakazi bo mu gihugu ca Ghana barafise ibibazo bikomeye bijanye n’ukutarongorwa, iyo ikaba ari imyidogo yashikirijwe na bamwe mu kiganiro bahawe...

Facebook Comments