Home East Africa News EAC : Abanyeshure bahamagirwa kwitabira ihiganwa rigiye kuba

EAC : Abanyeshure bahamagirwa kwitabira ihiganwa rigiye kuba

Kuri uno wa kane igenekerezo rya 29 Gitugutu 2020, ubushikiranganji bw’iyinjira ry’Uburundi mu muryango wa Afrika y’ubuseruko, urwaruka, inkino n’imicokama bwuguruye icese uruganda rwo guhimiriza no guhanahana ivyiyumviro ku kamaro k’ikibanza ihiganwa mu nyandiko rikorwa n’abanyeshure bo mu gice ca mbere c’amashure nshingiro ya Reta n’ayo abikorera ivyabo rifise mu kwiyunga mu muryango wa Afrika y’ubuseruko.

Mw’ijambo ry’ukwugurura icese urwo ruganda, Hakizimana Godefride, ajejwe imigabo n’imigambi mu bushikiranganji bw’iyinjira ry’Uburundi mu muryango wa Afrika y’ubuseruko, urwaruka, inkino n’imicokama, yamenyesheje ko urwo ruganda rufise intumbero zine nyamukuru arizo :

  1. Kumenyesha abitavye uruganda ibijanye n’iyinjira ry’Uburundi mu muryango wa Afrika y’ubuseruko
  2. Guhimiriza abitavye uruganda kuvyerekeye itunganywa n’ikorwa ry’ihiganwa mu nyandiko
  3. Guhamagarira abitavye uruganda kugira gwabo iryo higanwa,
  4. Guhanahana ivyiyumviro ku ntererano umwumwe wese yitavye urwo ruganda yogira kugira ngo iryo higanwa mu nyandiko ryitabwe n’abanyeshure benshi bashoboka ku rwego rw’igihugu.

Hakizimana Godefride amenyesha kandi ko ivyo bikorwa ari akaryo keza ko gutahura, gutegera hamwe no gutanga intererano ku bijanye n’ihiganwa mu nyandiko ritunganywa uko umwaka utashe n’umuryango wa Afrika y’ubuseruko, gutyo abanyeshure bacu bagashobora kubandanya batera iteka igihugu cacu mu kuronka ibibanza vya mbere muri iryo higanwa.

Naho ururimi rukunze gukoreshwa mu bikorwa bitandukanye vy’umuryango wa Afrika y’ubuseruko ari icongereza, Godefride amenyesha ko iryo higanwa rikorwa mu ndimi zitatu arizo: Igiswahili, Igifaransa hamwe n’Icongereza. Ubwo rero umunyeshure ngo araheza agahitamwo ururimi rumworohera gukoresha muri izo zitatu, maze abahinga batandukanye haba mu gihugu canke ku rwego rw’akarere bagahurira hamwe bagakosora, hisunzwe amategeko aba yumvikanyweko.

Abanyeshure rero baba baronse amanota meza mu gihugu baraheza bakaronswa ubushimwe butandukanye eka ndetse n’amashure baba bavuyeko araronswa ubushimwe buheza bugafasha mu gukomeza canke kworohereza ibikorwa vya misi yose bijanye no gutanga ubumenyi ku banyeshure.

Hakizimana Godefride yarangije atera akamo abajejwe indero mu mashure nshingiro yaba aya Reta canke ay’abigenga, guhimiriza abanyeshure barabwa n’iryo higanwa kugira ngo bijukire kuryitabira ari benshi, kanatsinda rirafise ico ryungura mu bumenyi.

Facebook Comments

Most Popular

Umugwi Musongati Fc washitse neza i Lusaka muri Zambia

  Umugwi Musongati Fc wo mu ntara ya Gitega waserukiye Uburundi mu mahiganwa ya CAF Confederation Cup waraye ushitse neza i Lusaka mu gihugu ca...

PLB : Uku niko imigwi izohura kundwi ya 13

  Kuri uyu wa gatandatu igenekerezo rya 05 na 06 Kigarama 2020, ihiganwa ryo mu cicaro ca mbere mu Burundi Primus league rizobandanya kundwi yaryo...

Olivier Niyungeko niwe yatahukanye agashimwe k’umumenyereza w’ukwezi kwa Munyonyo

  Ata gukekeranya umumenyereza w’umugwi Vital’o Fc akongera akaba icegera c’umumenyereza w’intamba mu rugamba Alain Olivier Niyingeko niwe yatahukanye agashimwe gasanzwe gatangwa na BCM Burundi...

Ahamagarira abana kwiga urukino rwa Karaté

Mu bihe vy’ibiruhuko abamenyereza mu nkino zitandukanye baratunganya ivyirwa ku bana baba bari mu karuhuko, nko mu nkino za Football, na Basketball hamwe na...

Facebook Comments