Home Burundi Urwevu: uwuguhaye igiturire ukacakira, aba akugize ntyo!

Urwevu: uwuguhaye igiturire ukacakira, aba akugize ntyo!

Isanamu ngereranyo y’umuntu aguma yiyumvira uko yobivamwo( ( change).

Uruyuki rutakigira uruboyi ! Akugira ntyo, akagusiga ntyo! Aba aba aguhongoye mu buryo bw’impwemu,.

Aba agushoboye. Kuko uba ugiye ku rutonde rw’abantu ashoboye. Abantu ashoboye gukoresha nk’ivyo aba ahejeje kugukoresha. Ibiterasoni!

Mu kiringo ashoboye kurehura akaboko kiwe karekare akagashikana ahabitse itunga ryawe rikomeye( ta dignité) , ubuntu, maze agakororerayo ibingorongoro, noneho utivyukiranije , kuri we ,ubu ucitse nk’isandungu , isandugu rihwahutse, ritagira agaciro.

Aba agusize ku ngaratete, aguciye iyondoyondo, agukuye umutamana wambitswe n’abari bakwizeye.

Ivyo bingorongoro bisambura impome z’ingoro yo mu mutima ahabitse “ubuntu” bwawe, ni indya nkudye. Mu kiringo weho wabikoze winyegeje, mu buryo bw’impwemu hoho, baba bakubona ntya!

Uraheza ukaba wugururiye imiryango, ivyagirije bizokwakiriza , hamwe n’uruvyaro rwawe rwose iyo ruzova rukagera.

Ibintu uba ukoze, ni urudubi ntawobivuga ngo abimare.

Mbega none uwaremye ijisho ryawe yoba yaremye ijisho rirusha ukubona ijisho ryiwe? Nimba ubikora, arabibona akinumira, ikibi n’uko uzohava wibaza ngo ahuye nawe maze ugahava uhinduka “barendegere”.

BURA KWIVYUKIRANYA UKABIVAMWO AMAZI ATARARENGA INKOMBE!

 

Facebook Comments

Most Popular

Education : Bazindutse bugariza ishure

Abavyeyi barereye kw’ishure ryitiriwe inyenyeri riri i Maramvya muri komine Mutimbuzi intara ya Bujumbura, bazindutse kuri uyu wa gatanu bugariza iryo shure. Abo bavyeyi...

Abibaza ko coronavirus yaheze ngo ni ukwihenda cane.

Muri ino minsi haribonekeza ukudebukirwa mu kwikingira coronavirus, aho abantu badatinya gukoranako mu kuramukanya, mu kutubahiriza imetero hagati y'umuntu n'uwundi nayo gukaraba vyo vyabaye...

Ngo nta mbuga ngurukanabumenyi za Facebook akoresha

Umuvugizi w’ubushikiranganji bwo kubungabunga amagara y’abantu no kurwanya Sida aramenyesha abarundi n’amakungu ko umushikiranganji Thaddée Ndikumana ata mbuga za Facebook akoresha. Ivyo Jean Bosco Girukwishaka...

Umukuru w’igihugu Evariste Ndayishimiye n’umutambukanyi wiwe bashitse amarembe i Libreville

Umukuru w’igihugu c’Uburundi Evariste Ndayishimiye ari kumwe n’umutambukanyi wiwe Angéline Ndayishimiye bashitse impore amarembe i Libreville ku murwa mukuru w’igihugu ca Gabon aho bagiye...

Facebook Comments