Home homepage Mama Solo ahamagariye abamwagiriza uburozi mu guteka, gukora nkawe

Mama Solo ahamagariye abamwagiriza uburozi mu guteka, gukora nkawe

Abagiriza mama Solo gukoresha uburozi mu guteka, abasaba nabo gukora nk’uko bibaza ko akora kugira nabo baronke abaza kubashorera ivyabo.

Igenekerezo rya 6 ruheshi, Asma Samake benshi bazi nka Mama Solo, azoba akwije imyaka 40 ashitse i Bujumbura. Uwo akaba yashitse hano iwacu mu mwaka wa 1979, aho yazananye n’umushingantahe wiwe hamwe n’umwana umwe yitwa Solo.

Uwo muvyeyi mu kiyago yagiranye na Akeza Webtv, yavuze ko bari bafise integuro yo kuja mu gihugu ca Zambia, ariko umushingantahe wiwe ahava atangura kujayo agaruka, noneho mu nyuma arabura ikiringo c’imyaka 3 ata gakuru.

Mama Solo ngo aho niho yahavuye atangurira gukora akazi ko guteka, atanguriye ku bitumbura hamwe n’inyama zokejwe ku migeto aho yazitanga mu mazu y’abadandaji atandukanye, kugira abashe kwibeshaho kuko umushingantahe wiwe yari atakimwerekwa.

Mama Solo amaze kubona ivyiwe n’umushingantahe wiwe bikomeye ngo niho yafata ingingo y’ugutangura neza neza guteka, ibifungurwa bitandukanye, ariko akaba yateka mw’ijoro gusa. Ariko mu nyuma atangura guteka no ku murango.

Asma avuga ko bitamworoheye ariko ko hariho bamwe mu ncuti ziwe bamufashije, bakamuba hafi muri ico gikorwa. Muribo kandi ngo harimwo uwutakiri mu bazima, ariko uwugihari ngo n’ubu iyo agize ikibazo aramuserukako.

Mama Solo yanavuze ku burozi yagirizwa, hamwe n’amazi y’abapfuye bivurwa ko yoba atekesha. Uwo muvyeyi avuga ko ari urukundo rw’abamushorera, ngo nibo bamufasha kuronka abandi bantu baza, nayo abavuga ivy’uburozi ngo sivyo.

Mama Solo ngo aramaze igihe kitari gito adahonyoza ikirenge mu gikoni, kuko afise abo amaze kwigisha kandi abona ko nka hamwe atoba akihari nabo boshobora gushinga ivyabo. Abo nyene ngo nibo banagenda guteka iyo hagize uwumuhamagara ngo amutekere. Abo amaze kwigisha ngo ni nabo bamubujije guteka, kuko ngo amaze kugira imyaka yitereye.

Mu gihe kuri uyu wa 8 ndamukiza, isi yariramutse ihimbaza umusi mpuzamakungu wahariwe umukenyezi, Asma avuga ko abagore bari bakwiye guhaguruka bagakura amaboko mu mpuzu, noneho bagakora, kugira ntibabandanye bizera ivy’abashingantahe babo gusa. Ariko akavuga ko ari nka hamwe babashije gushira hamwe navyo ari ngirakamaro gusumba.

Facebook Comments

Most Popular

Uburundi bwakuwe ku rutonde rw’ibihugu bizokwirwako n’inama mpuzamakungu ONU

Ni umunezero udasazwe ku Burundi n’abarundi aho bwasabiye ko bukurwa ku rutonde rw’ibihugu vyirwako n’inama mpuzamakungu ONU ijejwe ivy’umutekano. Ku rubuga rwiwe rwa Twitter, umushikiranganji...

Agriculture: Ntacobuza ko ikigoti kimwe kivamwo ibiro birenga 20

Mu gihe igiterwa c’imyumbati citaweho neza, ngo ikigoti kimwe gishobora kuvamwo umwimbu ushimishije cane. Aho yari yagendeye intara ya Gitega neza na neza muri karitiye...

Abakinyi ba Musongati Fc bafashe urugendo berekeza muri Zambia

Mu gatondo ko kuri uyu wa gatanu igenekerezo rya 04 Kigarama 2020, niho umugwi Musongati Fc w’i Gitega wafata indege werekeza mu gihugu ca...

Ivyokorwa kugira ngo imyuzure igabanuke mu gisagara ca Bujumbura

Abanyagihugu bo mu gisagara ca Bujumbura ngo barakwiye kwubaka amazu bisunze amategeko agenga ivyo kwubaka kugira birinde guterwa n'imyuzurira yama yibonekeza, ikonona ibintu bitari...

Facebook Comments