Home Burundi Abacamanza bakirya ibiturire baragabishwa irya nyuma

Abacamanza bakirya ibiturire baragabishwa irya nyuma

Ubushikiranganji bw’ubutungane buragabisha abacamanza barya ibiturire bigatuma baca iza ngonda gonde ko badahinduye ingendo bazohagarikwa mu kazi.

Aimée Laurentine Kanyana, umushikirananji w’ubutungane no gushingura ikimangu

Mu kiganiro umushikiranganji w’ubutungane n’ugushingura ikimangu Aimée Laurentine Kanyana yagiranye n’abacamanza bo muri sentare isubiramwo ya Ntahangwa iri mu gisagara ca Bujumbura kuri uyu wa mbere waraye uheze igenekerezo rya 25 Ntwarante 2019, yabagirije ko hakiri abacamanza barya ibiturire aboneraho kubahamagarira guhendura ingendo mu gihe bakibishoboye maze bisubizeko agashambara amazi atararenga inkombe.

Atarya umunwa, uwo mushikiranganji yemeje muri ico kiganiro ko amatohoza yimbitse yakozwe yerekanye ko bamwe mu bacamanza ari ba “karuhariwe” mu gufumbatishwa.

Inyuma y’ico kiganiro, umushikiranganji Kanyana yarashoboye no kwishura ku bibazo vy’abamenyeshamakuru. Muri ivyo bibazo harimwo idosiye y’abana batatu b’abigeme bo mu ntara ya Kirundo bamaze iminsi bafungiwe i Ngozi bazira kuba barasibanganije ifoto y’umukuru w’igihugu c’Uburundi Prezida Piere Nkurunziza.

Mu gihe abatari bake bakomeje gusaba ko abo bana borekurwa, Laurentine Kanyana yavuze ko amakuru yakuye muri Parike ya Ngozi ari uko abo bana boba bagiye gutezurirwa amatohoza agakorwa bari mu miryango.

Facebook Comments

Most Popular

Uburundi bwakuwe ku rutonde rw’ibihugu bizokwirwako n’inama mpuzamakungu ONU

Ni umunezero udasazwe ku Burundi n’abarundi aho bwasabiye ko bukurwa ku rutonde rw’ibihugu vyirwako n’inama mpuzamakungu ONU ijejwe ivy’umutekano. Ku rubuga rwiwe rwa Twitter, umushikiranganji...

Agriculture: Ntacobuza ko ikigoti kimwe kivamwo ibiro birenga 20

Mu gihe igiterwa c’imyumbati citaweho neza, ngo ikigoti kimwe gishobora kuvamwo umwimbu ushimishije cane. Aho yari yagendeye intara ya Gitega neza na neza muri karitiye...

Abakinyi ba Musongati Fc bafashe urugendo berekeza muri Zambia

Mu gatondo ko kuri uyu wa gatanu igenekerezo rya 04 Kigarama 2020, niho umugwi Musongati Fc w’i Gitega wafata indege werekeza mu gihugu ca...

Ivyokorwa kugira ngo imyuzure igabanuke mu gisagara ca Bujumbura

Abanyagihugu bo mu gisagara ca Bujumbura ngo barakwiye kwubaka amazu bisunze amategeko agenga ivyo kwubaka kugira birinde guterwa n'imyuzurira yama yibonekeza, ikonona ibintu bitari...

Facebook Comments