Home Burundi RTNB ishobora gucibwa ihadabu ringana na $10,000

RTNB ishobora gucibwa ihadabu ringana na $10,000

Insamirizi na Terevisiyo vya Repubirika y’Uburundi (RTNB) ngo yoba igiye kurihishwa ihadabu ingana n’amafaranga ibihumbi icumi vy’amanyamerika biturutse ko ngo yoba yarahonyanze amategeko ikerekana ku mboneshakure yayo urukino rw’umupira w’amaguru ruheruka guhuza Uburundi na Gabon.

Nk’uko bibonekera mu rwandiko rwashizwe ahabona kuri uyu w’Imana waraye uheze, igenekerezo rya 31 Ntwarante 2019, ishirahamwe ry’umupira w’amaguru muri Afrika CAF rimenyesha ishirahamwe ry’umupira w’amaguru mu Burundi FFB ko rigiye kurihisha iradiyo na Terevisiyo vy’igihugu ihadabu rindana n’ibihumbi icumi vy’amadorari y’abanyamerika kuo ngo vyagaragaye ko yerekanye urukino rwahuje Uburundi na Gabon kandi urwo rukino rwari rwerewe guca ku mirongo ya CANAL+ hamwe na SUPERSPORT gusa.

Amaze kubona urwo rwandiko, umuyobozi w’ishirahamwe ry’umupira w’amaguru mu Burundi Honorable Reveriyano Ndikumana yaciye aashikiriza ibi bikurikira : “Mugihe twari twasavye abantu bose ko bibujijwe gufata amashusho no kwetekana urukino rwahuje BURUNDI VS GABON, nkuko twari twabisabwe, ko CANAL+ na SUPERSPORT aribo bari bemerewe kwerekana urwo rukino, bakaba basavye AZAM TV ko yoza kurushira kuri Satellite , duhejeje kuronka urwandiko ruvuye muri CAF, ruca amande Federation de Football du Burundi angana na 10,000$ kubera RNTB yoba yarerekanye urwo rukino itagira uruhusha ruvuye muri CAF.
Kubera ivyo, dusavye ababijejwe kugira amatohoza kubijanye n’ingene RTNB yerekanye urwo rukino.
Abazoba babifisemwo uruhara bose nibo bazoriha ayo mahera.
Ishirahamwe ry’umupira w’amaguru mu Burundi ntaco ritari ryagize kugira ama Camera yose ntihagire n’imwe iraba mu kibuga kiretse iza AZAMTV”.

Turasavye ko ibijanye n’umupira w’amaguru, vyobazwa abarongoye iryo shirahamwe.

Facebook Comments

Most Popular

Umugwi ndangakaranga AMAGABA ugiye guserukira igisagara ca Bujumbura ku murwa mukuru wa Poritike

Inyuma yaho umugwi ndangakaranga Amagaba babaye aba mbere mu migwi cumi ivuza umurisho w’ingoma i Bujumbura ngo bagiye guserukira igisagara ca Bujumbura muntara ya...

Makamba : Ibikorwa bigeze ku rugero rushimishije

Ibikorwa vyo kwubaka ikiraro ca Nyabusunzu kiri kw'ibarabara ry'igihugu inomero 11 (RN11) rica Mabanda- Makamba- Rutana- Cankuzo) ngo bigeze ku ntambwe ishimishije. Bishikirizwa na...

# Indundi Sports| Umurundi niwe agiye kumenyereza Azam Fc vy’imfatakibanza

  Umugwi Azam Fc wasezereye uwahoze ari umumenyereza wawo mukuru Aritstica Cioaba n’uwundi yama akoresha imyimenyerezo yo kugorora imitsi. Azam Fc yahisemwo gusezerana nabo bamenyereza bamaze...

Kirikou ngo Big Fizzo aharanira inyungu za buri muririmvyi wese w’Umurundi

https://www.youtube.com/watch?v=WQtmaXoJaK0 Big Fizzo kumusubiriza ngo ntibizoroha, ivyo n’ibiheruka gushikirizwa na Kirikou Akili akoresheje urubuga rwiwe rwa Facebook. Muri ubwo butumwa yashikirije kuri urwo rubuga, yamenyesheje ko...

Facebook Comments