Home Diaspora Ishirahamwe rihurikiyemwo abarundi bose baba muri Amerika rigiye kuvuka vuba bwango

Ishirahamwe rihurikiyemwo abarundi bose baba muri Amerika rigiye kuvuka vuba bwango


Abarundi bose baba muri Leta zunze ubumwe za Amerika bamenyesha ko bariko barisuganya hasi hejuru kugira barabe ko boshiraho ishirahamwe ribahuza bose iyo bava bakagera.  Ivyo twabimenyeshejwe   n’uwahoze arongoye ishirahamwe ry’abarund baba muri Leta ya ARIZONA ryitwa BAHO , umushingantahe Sammuel NDAYIRAGIJE akaba kandi  ariwe ari kw’isonga ry’abariko barategura gushiraho izo nzego.

Nk’uko nyene abandanya abimenyesha, ico gikorwa c’ugushiraho ishirahamwe rizoba rihurikiyemwo abarundi bose bari muri Leta zunze ubumwe za Amerika ngo ni intambwe ikomeye mu gikorwa c’uguhuza abarundi mu ntumbero y’uguhurikira hamwe bakagira urunani rw’intamenwa maze gutyo biciye mu twigoro tunyuranye n’Uburundi bukazohatorera akoyoko. Na kare ngo” Ubugirigiri bugira babiri” nk’uko ba Sokuru bayamaze bavuga.

Amategeko azogenga urwo rwego rero akaba yaratunganijwe ku buryo bw’imfatakibanza mu kurindira ko ahava akemezwa n’inama ya bose. (Assemblée Générale Constituante). Ayo mategeko rero mfatakibanza akaba yatunganijwe n’abantu batanu bava mu ma Leta anyuranye n’abo akaba ari aba :

  • Sammuel NDAYIRAGIJE
  • Alphonsine NDAYIKENGURUKIYE
  • Vincent NSABIMANA
  • Jean Claude NTIMPA
  • Jeremie NIYONKURU

Ibi rero bikaza bihura n’uko bigaragara ko Leta y’Uburundi yahagurukiye ibijanye n’abarundi baba hanze kuko ,inyuma y’ugushiraho amategeko abagenga (Politique de la diaspora) bigaragara ko hirya no hino abarundi iyo bari hose hariko harashirwaho amashirahamwe ahurikiwemwo n’abarundi, na kare abasokuru barayamaze ngo “Inyakamwe inyaga imwe”.

Aha twokwibutsa kandi yuko ivyo biriko biraba mu kiringo himirije kuba ihuriro ry’abarundi baba hanze rizobera i Burundi mu kwezi kw’indwi k’uwu mwaka nyene.

Facebook Comments

Most Popular

Diaspora News: Asaba gushigikirwa mw’ihiganwa arimwo rya China Africa cooperation

Umurundikazi Hakizimana Alexia aba mu gihugu c’Ubushinwa  ari mwihiganwa ryitiriwe «China Africa cooperation » arasaba abarundi kumushigikira kugira arabe ko yotahukana iryo higanwa. Kumuha amahirwe...

Rwa rukurikirane rwa Mkomboz ngo rwamaze kurangira

https://www.youtube.com/watch?v=UqPwmg6YQQY Za ndirimbo zibwa muri Tanzania, zishobora kuba zamaze kuboneka. Igituma nuko umuririmvyi Nzeyimana Thomas benshi bazi nka Mkomboz abicishije ku rubuga rwiwe rwa Facebook...

Preeze 36 yajanye n’umuryango kwunamira umuvyeyi wiwe “Nahigejeje Wenga Emile”

https://www.youtube.com/watch?v=REgC5_uiUqM Preeze 36 uno musi niho yaja kwunamira umuvyeyi wiwe yabuze atanga, nkuko amashusho yabashije gusangiza abamukurikirana ku rubuga rwa Whatsapp  amwerekana ari ku ntatemwa...

Diamond yagavye Tsh 100,000,000 ayaha aba Motard 1000

https://www.youtube.com/watch?v=WQtmaXoJaK0 Nasibu Abdoul Juma benshi bazi nka Diamond Platnumz yaraye yinjirije 100,000,000 z’amafaranga yo muri Tanzania aba Motard 1000 yaguriye igitoro ama litiro 10 y’ubuntu. Ico...

Facebook Comments