Home homepage Intamba U20 zigiye kwitabira ihiganwa ryo muri Afrika "Jeux Africains"

Intamba U20 zigiye kwitabira ihiganwa ryo muri Afrika “Jeux Africains”

Umugwi nserukira gihugu w’intamba mu rugamba w’abatarenza imyaka 20 ugiye kwitabira ihiganwa ryo muri Afrika “Jeux Africains”.

Kuri uyu wa gatanu igenekerezo rya 17 Rusama umwaka wa 2019, niho hamenyekana y’uko ishirahamwe ritwara umupira w’amaguru muri Africa CAF ryahinduye amategeko arigenga, kuko mu bisanzwe vyari bitegekanijwe y’uko ihiganwa rya Jeux Africain ryojamwo ibihugu vyashoboye kuronka itike ya CANU23 yamara bikaba bitakunze kuko inkino za nyuma zotumye haboneka iyo migwi ya U23 zungururijwe mu kwezi kwa Nyakanga kubera inkino za CAN 2019 za Senior zimirije kuzoba mu gihugu ca Egiputa.

Ishirahamwe ritwara umupira w’amaguru muri Afrika CAF rikaba ryaciye rifata ingingo z’uko imigwi nserukira gihugu yose y’abatarenza imyaka 20 yahora muri AFCON 2019 yabereye muri Niger yoca isubirayo yose ikaba ariyo ikina izo nkino .

Intamba U 20 zikaba zatomboreyemwo n’iyindi migwi yose itari yaronse amahirwe yo kwitabira izo nkino za Jeux Africains y’abatarenza imyaka 20 nka Africa y’epfo, Ghana, Mali, Sénegal, Nigeria , Burkina Faso, hamwe na Maroc izokwakira iryo higanwa.

Ishirahamwe CAF rikaba ryasavye y’uko ibihugu bishaka kwitabira ayo mahiganwa yorungika urwandiko rwemeza y’uko bazokwitabira izo nkino imbere y’igenekerezo rya 20 Rusama umwaka wa 2019.

Yamara gushika ubu akaba atawuramenya y’uko ishirahamwe ry’umupira w’amaguru mu Burundi FFB ryoba rirarungika ikete ryemeza y’uko Uburundi buzokwitabira izo nkino za Jeux Africains. Ni inkuru tubandanya tubatohoreza.

Mukamenya y’uko ayo mahiganwa ya Jeux Africains azotangura hagati y’amagenekerezo ya 19 na 31 Myandagaro uwu mwaka turimwo w’2019 kazobera mu gihugu ca Maroc.

Facebook Comments

Most Popular

Ivyokorwa kugira umutekano utsimbatare mu gisagara ca Bujumbura

«Ukurwanya amarigara no gushira amatara ku mpangu ngo ni bimwe mu vyofasha kwongereza umutekano muri komine Mukaza mu gisagra ca Bujumbura. » Ivyo ni ivyashikirijwe kuri...

Imyambaro ishika ku 500 yanditsweko Saidi Ntibazonkiza igiye gushirwa ahabona

  Uwusanzwe ari umuvugizi wa Yang Africans Antonio Nugaz yavuze y’uko umukinyi w’umurundi Saidi Ntibazonkiza agiye kwitegurirwa bimwe bikomeye. Mu kiganiro yakoranye n’imwe mu mboneshakure yo...

Breaking news: Papa Bouba Diop wa Sénegal yaraye aryamiye ukoboko kw’abagabo

Uwatsinze igitsindo ca mbere mu gikombe c’isi c’umwaka wa 2002 agitsinze Ubufaransa aho Senegal yatsinze igitsindo 1-0 , Papa Bouba Diop yaraye aryamiye...

PLB : Uku niko imigwi igiye guhura kundwi ya 12

  Inyuma y’aho inkino za CAF Champions league hamwe na CAF conféderation Cup zirangiriye mu mpera zindwi iheze aho imigwi yacu yari yaserukiwe na Messager...

Facebook Comments